പന്ത്​ ചുരണ്ടൽ: സ്​മിത്തിനും വാർണർക്കും മുമ്പും താക്കീത്​ നൽകിയെന്ന്​

മെൽബൺ: ആസ്​ട്രേലിയയിൽ നടന്ന അഭ്യന്തര ക്രിക്കറ്റ്​ മൽസരത്തിനിടെ സ്​റ്റീവ്​ സ്​മിത്തിനും ഡേവിഡ്​ വാർണർക്കും പന്ത്​ ചുരണ്ടലുമായി ബന്ധപ്പെട്ട്​ മാച്ച്​ റഫറി താക്കീത്​ നൽകിയിരുന്നതായി വെളിപ്പെടുത്തൽ. 2016ൽ ഷെഫീൽഡ ഷീൽഡ്​ ടൂർണമ​െൻറിനിടെയാണ്​ ഇരുവരും പന്ത്​ ചുരണ്ടൽ വിവാദത്തിൽ​പ്പെട്ടത്​. 

ന്യൂ സൗത്ത്​ ​വെയിൽസും വിക്​ടോറിയയും തമ്മിലുള്ള 2016 നവംബറിൽ നടന്ന മൽസരത്തിനിടെയാണ്​ വിവാദത്തിന്​ വഴിവെച്ച സംഭവമുണ്ടായത്​​. ആസ്​ട്രേലിയൻ പത്രമായ മോണിങ്​ ഹെറാൾഡാണ്​ ഇതുസംബന്ധിച്ച വാർത്ത റിപ്പോർട്ട്​ ചെയ്​തത്​​. താരങ്ങളുടെ മോശം പെരുമാറ്റം ചൂണ്ടിക്കാട്ടി മൽസരത്തിലെ ഫീൽഡ്​ അംപയർ ക്രിക്കറ്റ്​ ആസ്​ട്രേലിയക്ക്​ ഇ-മെയിൽ അയച്ചുവെന്നും സംഘടന ഇരുവർക്കും താക്കീത്​ നൽകിയെന്നുമാണ്​ റിപ്പോർട്ടിലുള്ളത്​​. 

ദക്ഷിണാഫ്രിക്കക്കെതിരായ ടെസ്​റ്റ്​ മൽസരത്തിനിടെയാണ്​ ആസ്​ട്രേലിയൻ താരങ്ങളാണ്​ സ്​റ്റീവ്​ സ്​മിത്ത്​, ഡേവിഡ്​ വാർണർ, ബാൻക്രാഫ്​റ്റ്​ തുടങ്ങിയവർ പന്ത്​ ചുരണ്ടൽ വിവാദത്തിൽപ്പെട്ടത്​. സ്​മിത്തി​​െൻറയും വാർണറുടെയും നിർദേശപ്രകാരം ബാൻക്രാഫ്​റ്റ്​ പന്ത്​ ചുരണ്ടിയെന്നാണ്​ ആരോപണം.