കോവിഡ് ഇംപാക്ട്: ആരാധികയെ ‘പിണക്കി’ കോഹ്ലി
text_fieldsന്യൂഡൽഹി: കോവിഡ്-19 ഇന്ത്യയിലും അതിവേഗം പടർന്നു പിടിക്കുന്നതിെൻറ വെളിച്ചത്തിൽ ജനങ്ങൾ ജാഗരൂകരാവുകയാണ്. വിമാനത്താവളത്തിൽ സെൽഫിയെടുക്കാൻ ശ്രമിച്ച ആരാധികയെ ഗൗനിക്കാതെ നടന്നുനീങ്ങിയ ഇന്ത്യൻ ക്രിക്കറ്റ് ടീം നായകെൻറ വിഡിയോ ചർച്ചയായതും ഇക്കാരണത്താലാണ്.
പൊതുവെ ആരാധകരെ ‘പിണക്കാത്ത’ കോഹ്ലിയുടെ നടപടി പെൺകുട്ടിയെ നിരാശപ്പെടുത്തിയെങ്കിലും സാമൂഹിക അകലം പാലിക്കുന്നത് എങ്ങനെയെന്നതിെൻറ മികച്ച മാതൃകയായി കോഹ്ലി. കോവിഡ് മുൻകരുതലിെൻറ ഭാഗമായി ദക്ഷിണാഫ്രിക്കക്കെതിരായ ഏകദിന പരമ്പരക്കിടെ കളിക്കാരും സ്റ്റാഫും പാലിക്കേണ്ട നടപടിക്രമങ്ങളുടെ പട്ടിക ബി.സി.സി.ഐ നേരത്തേ പുറത്തുവിട്ടിരുന്നു.
ഇതിൽ ആരാധകരോട് അടുത്ത് ഇടപഴകരുതെന്നും സെൽഫിയെടുക്കരുതെന്നും മറ്റും നിർദേശങ്ങളുണ്ടായിരുന്നു. രണ്ടാം ഏകദിനത്തിനായി ലഖ്നോ വിമാനത്താവളത്തിലെത്തിയപ്പോൾ പകർത്തിയതാണ് വിഡിയോ എന്നാണ് നിഗമനം.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.