ചണ്ഡിക  ഹതുരുസിംഗ ശ്രീലങ്കൻ കോച്ച്​

കൊളംബോ: ചണ്ഡിക ഹതുരുസിംഗയെ ശ്രീലങ്കൻ ഹെഡ്​ കോച്ചായി നിയമിച്ചു. പുതിയ നിയമനം ശ്രീലങ്കൻ ക്രിക്കറ്റ്​ അസോസിയേഷൻ  ഒൗദ്യോഗികമായി അറിയിച്ചു. നേരത്തെ 2006 മുതൽ 2009 വരെ ശ്രീലങ്കൻ ‘എ’ ടീമി​​െൻറ കോച്ചായിരുന്ന ഹതുരുസിംഗ നിലവിൽ ബംഗ്ലാദേശ്​ പരിശീലകനാണ്​. ബംഗ്ലാദേശുമായുള്ള കരാർ അവസാനിപ്പിച്ച് മുൻ ശ്രീലങ്കൻ താരം​ ഡിസംബർ 20ന്​​ സ്​ഥാനമേൽക്കും​. 2019 ലോകകപ്പ്​ ക്രിക്കറ്റ്​ വരെ ഹതുരുസിംഗയായിരിക്കും ലങ്കയെ പരിശീലിപ്പിക്കുകയെന്നാണ്​ വിവരം. ലങ്കക്കായി 26 ടെസ്​റ്റും 35 ഏകദിനങ്ങളും കളിച്ചിട്ടുണ്ട്​.