അം​ല​ക്ക്​ സെ​ഞ്ച്വ​റി; ലങ്കയെ വീഴ്​ത്തി ദ​ക്ഷി​ണാ​ഫ്രി​ക്ക​​

ഒാവൽ: സെഞ്ച്വറിയിൽ ‘കാൽ സെഞ്ച്വറി’ തികച്ച ഹാഷിം അംലയുടെ കരുത്തിൽ ശ്രീലങ്കക്കെതിരെ ദക്ഷിണാഫ്രിക്കക്ക്​ ജയം. ചാമ്പ്യൻസ്​ ട്രോഫിയിലെ ഗ്രൂപ്​​ ബി പോരാട്ടത്തിൽ 96 റൺസിനാണ്​ ഡിവില്ലിയേഴ്​സി​​െൻറ സംഘം ലങ്കയെ തുരത്തിയത്​. സ്​കോർ: ദക്ഷിണാഫ്രിക്ക: 299/6 (50). ശ്രീലങ്ക: 203/10 (41.3). 25ാം​ സെഞ്ച്വറി നേടിയ ഹാഷിം അംലയും (103) ഫാഫ്​ ഡുപ്ലസിസുമാണ്​ (75) ദക്ഷിണാഫ്രിക്കക്ക്​ മികച്ച ജയം സമ്മാനിച്ചത്​. ലങ്കക്കുവേണ്ടി ഒാപണർമാരായ ഉപുൽ തരംഗയും (57) ഡിക്​വെല്ലയും (41) പൊരുതി നോക്കിയെങ്കിലും മധ്യനിരയും വാലറ്റവും നിര​ുപാധികം കീഴടങ്ങിയതോടെ ജയം ദക്ഷിണാഫ്രിക്ക​െക്കാപ്പം നിന്നു. ഇമ്രാൻ താഹിർ 27 റൺസിന്​ നാല്​ വിക്കറ്റ്​ വീഴ്​ത്തി.

ബൗളർമാരെ തുണക്കുന്നുവെന്ന തോന്നലുളവാക്കിയ പിച്ചിൽ ശ്രദ്ധയോടെയാണ്​ ദക്ഷിണാഫ്രിക്ക ബാറ്റ്​ വീശി തുടങ്ങിയത്​. 12ാം ഒാവറിൽ ക്വിൻറൺ ഡികോക്​​ (23) മടങ്ങിയതിന്​ പിന്നാലെ ഡു​പ്ലസിസ്​ എത്തിയതോടെയാണ്​ സ്​കോർ​ബോർഡിന്​ വേഗതയേറിയത്​. കൂറ്റൻ സ്​കോറിലേക്ക്​ കുതിക്കുമെന്ന്​ തോന്നിച്ച ഘട്ടത്തിൽ ഡുപ്ലസിസും ഡി​വില്ലിയേഴ്​സും (നാല്​) തൊട്ടടുത്ത ഒാവറുകളിൽ പുറത്തായി. അവസാന ഒാവറുകളിൽ ആഞ്ഞടിച്ച ഡുമിനിയാണ്​ (38) ദക്ഷിണാഫ്രിക്കയെ 300നടുത്ത്​ എത്തിച്ചത്​. 115 പന്തിൽ അഞ്ച്​ ഫോറും രണ്ട്​ സിക്​സും അടങ്ങിയതായിരുന്നു അംലയുടെ ഇന്നിങ്​സ്​. 

മറുപടി ബാറ്റിങ്ങിനിറങ്ങിയ ലങ്കയുടേത്​ തകർപ്പൻ തുടക്കമായിരുന്നു. എട്ടാം ഒാവറിൽ ഡിക്കാവെല്ല പുറത്താകു​േ​മ്പാൾ സ്​കോർ ബോർഡിൽ 69 റൺ​െസത്തിയിരുന്നു. എന്നാൽ, പിന്നാലെയെത്തിയവരിൽ കുശാൽ പെരേര (44*) പിടിച്ചുനിന്നെങ്കിലും മെൻഡിസും (11) ചണ്ഡിമലും (12) കപുഗേദരയും (പൂജ്യം) ഗുണരത്​നെയും (നാല്​) കൃത്യസമയങ്ങളിൽ പവലിയനിലെത്തി. 12 റൺസെടുക്കുന്നതിനിടെ അവസാന നാല്​ വിക്കറ്റ്​ കളഞ്ഞുകുളിച്ചാണ്​ ലങ്ക തോൽവിയിലേക്ക്​ വീണത്​.