മൂന്നു വിക്കറ്റ്​ ജയം; പാ​കി​സ്​​താ​ൻ സെമിയിൽ

കാ​ർ​ഡി​ഫ്​: പാകിസ്​താൻ ചാ​മ്പ്യ​ൻ​സ്​ ട്രോ​ഫി സെ​മി​ഫൈ​ന​ലി​ൽ. ഗ്രൂ​പ്​ ബി​യി​ലെ ര​ണ്ടാം ‘ക്വാ​ർ​ട്ട​ർ ഫൈ​ന​ലി’​ൽ ശ്രീലങ്കയെ മൂന്നു വിക്കറ്റിന്​ തോൽപിച്ചാണ്​ പാകിസ്​താൻ അവസാന നാലിലെത്തിയത്​. ബുധനാഴ്​ച നടക്കുന്ന ആദ്യ സെമിയിൽ ഇംഗ്ലണ്ട്​ പാകിസ്​താനെയും വ്യാഴാഴ്​ച രണ്ടാം സെമിയിൽ ഇന്ത്യ ബംഗ്ലാദേശിനെയും നേരിടും. 

ആ​ദ്യം ബാ​റ്റു​ചെ​യ്​​ത ശ്രീ​ല​ങ്ക​യെ 49.2 ഒാ​വ​റി​ൽ 236 റ​ൺ​സി​ലൊ​തു​ക്കി​യ പാ​കി​സ്​​താ​ൻ 31 പന്ത്​ ബാക്കിയിരിക്കെ ഏഴു വിക്കറ്റ്​ നഷ്​ടത്തിൽ ലക്ഷ്യംകണ്ടു. ഒരു ഘട്ടത്തിൽ ഏഴിന്​ 162 എന്ന നിലയിൽ പരാജയം തുറിച്ചുനോക്കിയ പാകിസ്​താനെ അപരാജിത അർധ ശതകവുമായി നായകൻ സർഫറാസ്​ അഹ്​മദാണ്​ (61) വിജയതീരത്തെത്തിച്ചത്​. മുഹമ്മദ്​ ആമിറും (28 നാട്ടൗട്ട്​) പിന്തുണ നൽകി.

നേരത്തേ, പാക്​ പേ​സർ​മാ​രു​ടെ മി​ക​ച്ച പ്ര​ക​ട​ന​മാ​ണ്​ ടോ​സ്​ ന​ഷ്​​ട​മാ​യി ബാ​റ്റി​ങ്ങി​നി​റ​ങ്ങി​യ ശ്രീ​ല​ങ്ക​യു​ടെ ന​ടു​വൊ​ടി​ച്ച​ത്. മൂ​ന്നു വി​ക്ക​റ്റ്​ വീ​തം പി​ഴു​ത ജു​നൈ​ദ്​ ഖാ​നും ഹ​സ​ൻ അ​ലി​ക്കും ര​ണ്ടു വി​ക്ക​റ്റ്​ വീ​ത​മെ​ടു​ത്ത ആ​മി​റും അ​ര​ങ്ങേ​റ്റ​ക്കാ​ര​ൻ  ഫാ​ഹിം അ​ഷ്​​റ​ഫും പി​ന്തു​ണ​യേ​കി. ല​ങ്ക​ൻ​നി​ര​യി​ൽ അ​ർ​ധ​സെ​ഞ്ച്വ​റി നേ​ടി​യ ഒാ​പ​ണ​ർ നി​രോ​ഷ​ൻ ഡി​ക്ക്​​വെ​ല്ല (73) മാ​ത്ര​മാ​ണ്​ തി​ള​ങ്ങി​യ​ത്. ക്യാ​പ്​​റ്റ​ൻ എ​യ്​​ഞ്ച​ലോ മാ​ത്യൂ​സ്​ (39), കു​ശാ​ൽ മെ​ൻ​ഡി​സ്​ (27), അ​സേ​ല ഗു​ണ​ര​ത്​​നെ (27), സു​രം​ഗ ല​ക്മ​ൽ (26) എ​ന്നി​വ​രു​ടെ ചെ​റു​ത്തു​നി​ൽ​പാ​ണ്​ സ്​​കോ​ർ 236ലെ​ത്തി​ച്ച​ത്. 

സ്​​കോ​ർ 26ലെ​ത്തി​യ​പ്പോ​ൾ ധ​നു​ഷ്​​ക ഗു​ണ​തി​ല​ക​യെ (13) ന​ഷ്​​ട​മായെങ്കിലും ര​ണ്ടാം വി​ക്ക​റ്റി​ൽ മെ​ൻ​ഡി​സി​നെ കൂ​ട്ടു​പി​ടി​ച്ച്​ ഡി​ക്ക്​​വെ​ല്ല 56 റ​ൺ​സ്​ കൂ​ട്ടു​കെ​ട്ടു​ണ്ടാ​ക്കി​യ​തോ​ടെ ല​ങ്ക ട്രാ​ക്കി​ലാ​യെ​ന്ന്​ തോ​ന്നി​ച്ച​താ​ണ്. എ​ന്നാ​ൽ, 82ൽ ​മെ​ൻ​ഡി​സും ഒ​രു റ​ൺ കൂ​ടി ചേ​ർ​ക്കു​േ​മ്പാ​ഴേ​ക്കും ദി​നേ​ശ്​ ചാ​ണ്ഡി​മ​ലും മ​ട​ങ്ങി​യ​തോ​ടെ ബാ​ക്​​ഫൂ​ട്ടി​ലാ​യി. ഇൗ ഘ​ട്ട​ത്തി​ൽ ക്രീ​സി​ൽ ഒ​രു​മി​ച്ച ഡി​ക്ക്​​വെ​ല്ല​യും മാ​ത്യൂ​സും 16.1 ഒാ​വ​റി​ൽ 78 റ​ൺ​സ്​ ചേ​ർ​ത്ത്​ ടീ​മി​നെ മു​ന്നോ​ട്ടു​ന​യി​ച്ചെ​ങ്കി​ലും തു​ട​രെ നാ​ലു വി​ക്ക​റ്റു​ക​ൾ ന​ഷ്​​ട​മാ​യി ഏ​ഴി​ന്​ 167 എ​ന്ന നി​ല​യി​ലേ​ക്ക്​ കൂ​പ്പു​കു​ത്തി. പി​ന്നീ​ടായിരുന്നു ഗു​ണ​ര​ത്​​നെ​യുടെയും ല​ക്​​മ​ലി​​െൻറയും ര​ക്ഷാ​പ്ര​വ​ർ​ത്ത​ന​ം.