കേരളത്തിന്‍െറ രോഹനും ഡാരിലും ചലഞ്ചര്‍ ട്രോഫി ടീമില്‍

കൊച്ചി: മലയാളി താരങ്ങളായ രോഹന്‍ എസ്. കുന്നുമ്മലും ഡാരില്‍ എസ്. ഫെറാരിയോയും അണ്ടര്‍ 19 ചലഞ്ചര്‍ ട്രോഫി ടീമില്‍. ഡാരിലിനെ ഇന്ത്യ ബ്ളൂ ടീമിലും രോഹനെ ഇന്ത്യ ഗ്രീനിലുമാണ് തെരഞ്ഞെടുത്തിരിക്കുന്നത്. ബിലാസ്പുരില്‍ ഈ മാസം 26 മുതല്‍ 29 വരെയാണ് മത്സരം. വിനൂ മങ്കാദ് ട്രോഫിയിലെ മികച്ച പ്രകടനമാണ് ഇരുവര്‍ക്കും ഇന്ത്യന്‍ ടീമുകളിലേക്ക് വഴിതുറന്നത്. ഓരോ സെഞ്ച്വറിയും അര്‍ധസെഞ്ച്വറിയുമടക്കം രോഹന്‍ 253 റണ്‍സ് നേടി ടൂര്‍ണമെന്‍റിലെ മികച്ച ബാറ്റ്സ്മാനായി മാറിയിരുന്നു. ഡാരില്‍ 125 റണ്‍സ് നേടി.