ഫെഡറേഷൻ കപ്പ്​: ബംഗളൂരു എഫ്​.സിക്ക്​ വിജയത്തുടക്കം

കട്ടക്​: ഫെഡറേഷൻ കപ്പ്​ ഫുട്​ബാളിൽ ബംഗളൂരു എഫ്​.സിക്ക്​ വിജയത്തോടെ തുടക്കം. ആവേശം നിറഞ്ഞ പോരാട്ടത്തിൽ ഷില്ലോങ്​ ലജോങ്ങിനെ 3^2നാണ്​ നീലപ്പട തോൽപിച്ചത്​. തുടക്കം മുതലേ ആക്രമിച്ചുകളിച്ച ബംഗളൂരു എഫ്​.സി 35ാം മിനിറ്റിൽ തന്നെ​ ഗോൾ കണ്ടെത്തി. നിം ദ്രോജി ടമാങ്ങാണ്​ ഗോൾ നേടിയത്​. ആദ്യ പകുതിക്കുശേഷം 46ാം മിനിറ്റിൽ ലിങ്​ദോയി​ലൂടെ ബംഗളൂരു വീണ്ടും സ്​കോർ ഉയ​ർത്തി. ഉണർന്നുകളിച്ച ലജോങ്ങിന്​ അവസരങ്ങൾ പലതും വന്നെത്തി.
71ാം മിനിറ്റിൽ ലജോങ്ങിന്​ പെനാൽറ്റി ലഭിച്ചെങ്കിലും ലക്ഷ്യം കാണാനായില്ല. എന്നാൽ, ​തൊട്ടടുത്ത മിനിറ്റിൽത​ന്നെ (72) യുട്ട കിനോവാക്കി ഗോൾ നേടി ലജോങ്ങിന്​ പ്രതീക്ഷ നൽകി. എന്നാൽ, 74ാം മിനിറ്റിൽ ബംഗളൂരു വീണ്ടും ഗോൾ നേടി വിജയം ഉറപ്പിച്ചു. 85ാം മിനിറ്റിൽ ല​േജാങ്​ രണ്ടാം ഗോൾ നേടി തിരിച്ചുവരവിന്​ ശ്രമിച്ചെങ്കിലും ഗോൾ കണ്ടെത്താനാവാത്തതോടെ ഫെഡറേഷൻ കപ്പിൽ ആദ്യ മത്സരത്തിൽ തന്നെ ലജോങ്​ തോൽവി ഏറ്റുവാങ്ങി. 
മറ്റൊരു മത്സരത്തിൽ ശക്​തരായ മോഹൻ ബഗാൻ ഡി.എസ്​.കെ ശിവാജിയൻസിനെ 3^0ത്തിന്​ തോൽപിച്ചു.