Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightSportschevron_rightCricketchevron_rightടീം സെലക്ഷൻ ലൈവായി...

ടീം സെലക്ഷൻ ലൈവായി കാണിക്കണമെന്ന്​ ബി.സി.സി.​െഎയോട്​ മനോജ്​ തിവാരി

text_fields
bookmark_border
ടീം സെലക്ഷൻ ലൈവായി കാണിക്കണമെന്ന്​ ബി.സി.സി.​െഎയോട്​ മനോജ്​ തിവാരി
cancel

മുംബൈ: ഇന്ത്യൻ ടീം സെലക്ഷൻ ബി.സി.സി.​െഎ തത്സമയം ടിവിയിൽ പ്രദർശിപ്പിക്കണമെന്ന്​ മുൻ ദേശീയ താരം മനോജ്​ തിവാരി. താരങ്ങളെ തെരഞ്ഞെടുക്കുന്നതും ഒഴിവാക്കുന്നതും നീതിപൂർവ്വമാണോ എന്ന് അതിലൂടെ​ മനസിലാക്കാൻ സാധിക്കുമെന്ന്​ താരം എ.ബി.പി ലൈവിന്​ അനുവദിച്ച അഭിമുഖത്തിൽ​​ പറഞ്ഞു​. 

ടീം സെലക്ഷനുമായി ബന്ധപ്പെട്ട യോഗങ്ങൾ എല്ലാവർക്കും കാണാനാവുന്ന തരത്തിൽ സുതാര്യമാക്കണം. സെലക്ഷനുമായി ബന്ധപ്പെട്ട്​ ഉയരുന്ന ചോദ്യങ്ങൾ അതിലൂടെ ഒഴിവാക്കാൻ സാധിക്കും. ടീമിലേക്ക്​ താരങ്ങളെ തെരഞ്ഞെടുക്കുന്നത്​ നീതിപൂർവ്വമാണോ എന്ന്​ ഇതിലൂടെ മനസിലാക്കാം. താരങ്ങൾക്ക്​ വേണ്ടി ഏതൊക്കെ സെലക്​ടർമാരാണ്​ സംസാരിക്കുന്നതെന്നും അയാളെ ടീമിൽ ഉൾപ്പെടുത്താൻ അവർ നിരത്തുന്ന വാദങ്ങൾ എന്തൊക്കെയാണെന്നും അറിയാനാകുമെന്നും തിവാരി പറയുന്നു.

ഒരാളെ ടീമിൽ നിന്ന്​ പുറത്താക്കു​േമ്പാൾ എന്താണ്​ കാരണം എന്ന്​ കളിക്കാരോട്​ സെലക്​ടർമാർ വിശദീകരിക്കേണ്ടതുണ്ട്​. കാരണം ചോദിച്ചാൽ അങ്ങോട്ടമിങ്ങോട്ടും പഴിചാരുകയാണ്​​. ലൈവായി ടീം സെലക്ഷൻ സംപ്രേക്ഷണം ചെയ്​താൽ ഇതുപോലെ രക്ഷപ്പെടാൻ അവർക്ക്​ കഴിയില്ലെന്നും കളിക്കാർക്ക്​ നീതി​ലഭിക്കുമെന്നും താരം വ്യക്​തമാക്കി. 

കരുൺ നായർ, മുരളി വിജയ്, ശ്രേയസ് അയ്യർ തുടങ്ങിയ താരങ്ങൾ മുമ്പ്​ തഴയപ്പെട്ടിട്ടുണ്ട്​. നാലാം നമ്പറിൽ മികച്ച ബാറ്റ്​സ്​മാനെ കണ്ടെത്താൻ കഴിയാത്തതിനാലാണ്​ 2019 ലോകകപ്പിൽ ഇന്ത്യ പുറത്തായത്​. സെലക്​ടർമാരുടെ മണ്ടത്തരമാണ്​ സെമിയിലെ തോൽവിക്ക്​ കാരണമായത്​. ഇതുപോലെ ഭാവിയിൽ സംഭവിക്കാൻ പാടില്ല. 

ഇന്ത്യൻ ക്രിക്കറ്റിൽ ഒാരോരുത്തർക്കും അവരവരുടേതായ താൽപര്യങ്ങളുണ്ട്​. സെഞ്ച്വറി നേടിയിട്ടും തുടർച്ചയായി 14 മത്സരങ്ങളിൽ പുറത്തിരിക്കേണ്ടി വന്ന താരമാണ്​ ഞാൻ. പിന്നീട്​ ടീമിൽ ഇടം ലഭിച്ചെങ്കിലും ഗ്രൗണ്ടിൽ ഇറങ്ങാൻ കഴിഞ്ഞില്ല. ആസ്​ട്രേലിയൻ പര്യടനം കഴിഞ്ഞ്​ നാട്ടിലെത്തിയപ്പോൾ വിരമിച്ചാലോ എന്ന്​ പോലും ആലോചിച്ചുപോയിരുന്നു. -തിവാരി കൂട്ടിച്ചേർത്തു. 34 കാരനായ താരം, അവസാനം ദേശീയ ടീമി​​െൻറ ജഴ്​സി അണിഞ്ഞത്​ 2015ൽ സിംബാവ്​വെക്കെതിരെയായിരുന്നു.
 

Show Full Article
TAGS:team selection team india indian cricket team 
Next Story