Top
Begin typing your search above and press return to search.
exit_to_app
exit_to_app
Homechevron_rightSportschevron_rightCricketchevron_rightബംഗ്ലാദേശ്​ നായകൻ സജീവ ...

ബംഗ്ലാദേശ്​ നായകൻ സജീവ രാഷ്​ട്രീയത്തിലേക്ക്​; തെരഞ്ഞെടുപ്പിൽ മത്സരിച്ചേക്കും

text_fields
bookmark_border
ബംഗ്ലാദേശ്​ നായകൻ സജീവ രാഷ്​ട്രീയത്തിലേക്ക്​; തെരഞ്ഞെടുപ്പിൽ മത്സരിച്ചേക്കും
cancel

ധാക്ക: ബംഗ്ലാദേശ് ക്രിക്കറ്റ് ടീം നായകൻ മഷ്‌റഫെ മുര്‍തസ സജീവ രാഷ്ട്രീയത്തിലേക്ക്​. ഭരണ കക്ഷിയായ അവാമി ലീഗി​​െൻറ സ്ഥാനാർഥിയായി താരം അടുത്ത മാസം നടക്കുന്ന പൊതു തെരഞ്ഞെടുപ്പില്‍ മത്സരിക്കുമെന്ന്​ പാർട്ടിവ്യത്തങ്ങൾ തന്നെയാണ്​​ പുറത്തുവിട്ടത്​. പ്രധാനമന്ത്രി ഷൈഖ്​ ഹസീന, അദ്ദേഹത്തി​​െൻറ സ്ഥാനാര്‍ഥിത്വം അംഗീകരിച്ചതായാണ്​ വിവരം.

മത്സരിക്കാന്‍ മുര്‍തസ സമ്മതമറിയിച്ചതായി പ്രധാനമന്ത്രിയുടെ വക്​താവ്​ അറിയിച്ചു. താരം ശൈഖ്​ ഹസീനക്കൊപ്പം നിൽക്കുന്ന ചിത്രങ്ങൾ വ്യാപകമായി പത്രങ്ങളുടെ മുൻപേജുകളിൽ വന്നിരുന്നു.​ ഹസീനക്ക്​ ബംഗ്ലാദേശിൽ ഇത്​ മൂന്നാം ഉൗഴമാണ്​.

ക്രിക്കറ്റില്‍ സജീവമായിരിക്കെയാണ് മുപ്പത്തഞ്ചുകാരനായ മുര്‍താസ രാഷ്ട്രീയത്തിലേക്ക്​ ​പ്രവേശിക്കുന്നത്​​. താരങ്ങൾക്ക്​ ​രാഷ്​ട്രീയ പ്രവേശനത്തിന്​ യാതൊരു തടസ്സവുമില്ലെന്ന്​ ബംഗ്ലാദേശ്​ ക്രിക്കറ്റ്​ ബോർഡ്​ വ്യക്​തമാക്കിയതായി എ.എഫ്​.പി ന്യൂസ്​ റിപ്പോർട്ട്​ ചെയ്​തിരുന്നു. സ്വന്തം നാട്ടിൽ തന്നെയായിരിക്കും മുർതസ മാറ്റുരക്കുക.

ക്രിക്കറ്റർമാർ രാഷ്​ട്രീയത്തിലേക്ക്​ ഇറങ്ങുന്നത്​ ഇന്ത്യയടക്കമുള്ള ഏഷ്യൻ രാജ്യങ്ങളിൽ പുതുമയല്ല. പാകിസ്​താനിൽ ഇമ്രാൻ ഖാൻ പ്രധാനമന്ത്രിയായതും ഇന്ത്യയിൽ നവ്​ജോദ്​ സിങ്​ സിദ്ധുവി​​​െൻറ വിജയവും അതിനുള്ള ഉദാഹരണങ്ങളാണ്​. മുർതസയുടെ തെരഞ്ഞെടുപ്പിലെ പ്രകടനം കാത്തിരിക്കുകയാണ്​ ബംഗ്ലാദേശിലെ ക്രിക്കറ്റ്​ പ്രേമികളും വോട്ടർമാരും.

Show Full Article
TAGS:mashrafe mortaza Sheikh Hasina Bangladesh cricket team sports news malayalam news 
News Summary - Bangladesh skipper to contest in upcoming general elections-sports news
Next Story