Begin typing your search above and press return to search.
exit_to_app
exit_to_app
Homechevron_rightSportschevron_rightCricketchevron_rightനിറഞ്ഞാടി ശാകിബ്​;...

നിറഞ്ഞാടി ശാകിബ്​; അഫ്​ഗാനിസ്​താനെതിരെ ബംഗ്ലാദേശിന്​ 62 റൺസ്​ ജയം

text_fields
bookmark_border
bangladesh1
cancel

സതാംപ്​ടൺ: അർധസെഞ്ച്വറിയും അഞ്ചു വിക്കറ്റുമായി ഒാൾറൗണ്ടർ ശാകിബുൽ ഹസൻ ഒരിക്കൽക്കൂടി നിറഞ്ഞാടിയ മത്സരത്തിൽ അ ഫ്​ഗാനിസ്​താനെ ​62 റൺസിന്​ തോൽപിച്ച്​ ബംഗ്ലാദേശ് ലോകകപ്പ്​ ക്രിക്കറ്റിൽ സെമിപ്രതീക്ഷകൾ സജീവമാക്കി. ആദ്യം ബ ാറ്റുചെയ്​ത ബംഗ്ലാദേശ്​ മുഷ്​ഫിഖുർ റഹീമി​​െൻറയും (83) ശാകിബുൽ ഹസ​​െൻറയും (51) അർധസെഞ്ച്വറി മികവിൽ ​നിശ്ചിത ഒാവറി ൽ ഏഴു വിക്കറ്റ്​ മാ​ത്രം നഷ്​ടപ്പെടുത്തി​ 262 റൺസെടുത്തു​​. മറുപടി ബാറ്റിങ്ങിനിറങ്ങിയ അഫ്​ഗാനിസ്​താ​​െൻറ വെല്ലുവിളി 200 റൺസിന്​ അവസാനിച്ചു. ക്യാപ്​റ്റൻ ഗുൽബാദിൻ നായിബ്​ (47), സമീയുല്ല ഷിൻവാരി (49 നോട്ടൗട്ട്​) എന്നിവർക്കു​ മാത്രമാണ്​ അഫ്​ഗാൻനിരയിൽ പിടിച്ചുനിൽക്കാനായത്​.

ഭേദപ്പെട്ട ലക്ഷ്യം തേടിയിറങ്ങിയ അഫ്​ഗാന്​ ഒാപണർമാർ മികച്ച തുടക്കം നൽകി. ക്യാപ്​റ്റൻ ഗുൽബാദിൻ നായിബും റഹ്​മത്​ ഷായും ചേർന്ന്​ ആദ്യ വിക്കറ്റിൽ 49 റൺസെടുത്തു. 24 റൺസെടുത്ത ഷായെ പുറത്താക്കി ശാകിബ്​ ആദ്യ പ്രഹരമേൽപിച്ചു. ഹഷ്​മത്തുല്ല ഷാഹിദിയെ (11) മൊസദക്​ ഹുസൈൻ പുറത്താക്കി. 28ാം ഒാവറിൽ 100 കടന്ന അഫ്​ഗാന്​ കനത്ത ആഘാതമേൽപിച്ച്​ ടോപ്​ സ്​കോററായ ക്യാപ്​റ്റനെ ശാകിബ്​ ലിറ്റൺ ദാസി​​െൻറ കൈകളിലെത്തിച്ചു​. പിന്നാ​െല ക്രീസിലെത്തിയ ബാറ്റ്​സ്​മാന്മാരിൽ ഷിൻവാരിയെ കൂടാതെ നജീബുല്ല സദ്രാന്​ (23)മാത്രമാണ്​ പിടിച്ചുനിൽക്കാനായത്​. ഇക്രാം അലികിൽ (11), മുഹമ്മദ്​ നബി (0), റാശിദ്​ ഖാൻ (2), ദൗലത്ത്​ സദ്രാൻ (0), മുജീബ്​ റഹ്​മാൻ (0) എന്നിവരാണ്​ പുറത്തായ മറ്റ്​ ബാറ്റ്​സ്​മാന്മാർ. ബംഗ്ലാദേശിനായി തമീം ഇക്​ബാൽ (36), മൊസദക്​ ഹുസൈൻ (35), മഹ്​മൂദുല്ല (27) എന്നിവർ ബാറ്റിങ്ങിൽ തിളങ്ങി.

അഫ്​ഗാനുവേണ്ടി മുജീബ്​ റഹ്​മാൻ മൂന്നും ഗുൽബാദിൻ രണ്ടും വിക്കറ്റ്​ വീഴ്​ത്തി. 10 ഒാവറിൽ 29 റൺസ്​ മാത്രം വഴങ്ങിയാണ്​ ശാകിബ്​ അഞ്ചു വിക്കറ്റ്​ വീഴ്​ത്തിയത്​. രണ്ടു​ ശതകങ്ങളുടെ ബലത്തിൽ ആറു​ മത്സരങ്ങളിൽനിന്ന്​ 476 റൺസ്​ അടിച്ചുകൂട്ടിയ ശാകിബ്​ ആസ്​ട്രേലിയയുടെ ഡേവിഡ്​ വാർണറെ (447) മറികടന്ന്​ ബാറ്റ്​സ്​മാന്മാരുടെ പട്ടികയിലും ഒന്നാമതെത്തി. ആറു​ മത്സരങ്ങളിൽ അഞ്ചാം അർധശതകമാണ്​ ശാകിബ്​ ഇന്നലെ കുറിച്ചത്​. ഒരേ ​േലാകകപ്പിൽ സെഞ്ച്വറിയും അഞ്ചു വിക്കറ്റ്​ നേട്ടവും സ്വന്തമാക്കിയ കപിൽദേവി​​െൻറയും യുവരാജ്​ സിങ്ങി​​െൻറയും റെക്കോഡിനൊപ്പമെത്താനും ശാകിബിനായി.

Show Full Article
TAGS:ICC World Cup 2019 afganisthan bangladesh Cricket sports news malayalam news 
News Summary - bangladesh bating against afghan -sports news
Next Story