Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightCricketchevron_rightഇന്ത്യൻ പര്യടനം...

ഇന്ത്യൻ പര്യടനം മുടങ്ങിയാൽ വൻ നഷ്​ടം; യാത്രാ ഇളവുമായി ആസ്​ട്രേലിയൻ സർക്കാർ

text_fields
bookmark_border
india-vs-ausis
cancel

സിഡ്​നി: ഇൗ വർഷാവസാനം നടത്താൻ തീരുമാനിച്ചിരുന്ന ഒാസീസ്​ പര്യടനത്തിനായി ഇന്ത്യൻ ടീമംഗങ്ങൾക്ക്​ രാജ്യത്തേക് ക്​ പ്രവേശനം അനുവദിക്കാൻ​ ആസ്​ട്രേലിയൻ സർക്കാർ ഒരുങ്ങുന്നതായി റിപ്പോർട്ട്​. കോവിഡ്​ മഹാമാരിയെ തുടർന്ന് രാ ജ്യത്തി​​െൻറ എല്ലാ അതിർത്തികളും​ അടക്കുകയും വിമാനമാർഗമുള്ള ഗതാഗതം നിരോധിക്കുകയും ചെയ്​തിരുന്നു. ലോക്​ഡൗണിനെ തുടർന്ന്​ കടുത്ത സാമ്പത്തിക പ്രതിസന്ധിയിലാണ്​ ആസ്​ട്രേലിയൻ ക്രിക്കറ്റ്​ ബോർഡ്.​ ഇന്ത്യയുടെ നാല്​ ടെസ്റ്റുകൾ അടങ്ങിയ പര്യടനത്തിലൂടെ ലഭിക്കുന്ന 300 മില്യൺ ആസ്​ട്രേലിയൻ ഡോളറിലൂടെ ആ പ്രതിസന്ധി ഒരു പരിധിവരെ പരിഹരിക്കാനാവുമെന്നാണ്​ അവർ പ്രതീക്ഷിക്കുന്നത്​.

നിലവിൽ 80 ശതമാനം ജീവനക്കാരെയും പിരിച്ചുവിട്ട ക്രിക്കറ്റ്​ ആസ്​ട്രേലിയ ഇന്ത്യയുടെ ഡിസംബറിൽ നടന്നേക്കാവുന്ന പര്യടനത്തിലാണ്​ പ്രതീക്ഷയർപ്പിക്കുന്നത്​. സെപ്​തംബർ വരെയാണ്​ അവിടേക്ക്​ യാത്രാ വിലക്ക്​ ഏർപ്പെടുത്തിയിരുന്നത്​. എങ്കിലും രാജ്യത്തേക്ക്​ യാത്രാനുമതി ലഭിക്കൽ നീളുമെന്നാണ്​ സൂചന. അത്തരം വിലക്കുകളിൽ നിന്ന്​ ഇന്ത്യൻ ടീമിന്​ ഇളവ്​ നൽകാൻ ആസ്​ട്രേലിയൻ സർക്കാർ ഗൗരവമായി ആലോചിക്കുന്നുണ്ടെന്ന്​ ​ഇ.എസ്​.പി.എൻ ക്രിക്കിൻഫോ പുറത്തുവിട്ട റിപ്പോർട്ടിൽ പറയുന്നു. ക്രിക്കറ്റ്​ ആസ്​ട്രേലിയക്ക്​ ഇതുമായി ബന്ധപ്പെട്ട്​ സർക്കാറി​​​െൻറ ഭാഗത്ത്​ നിന്ന്​ അനുകൂല പ്രതികരണമാണ്​ ലഭിച്ചതെന്നും അവർ റിപ്പോർട്ട്​ ചെയ്​തു.

ബ്രോഡ്​കാസ്റ്റ്​ റൈറ്റുകൾ അടക്കം 500 മില്യൺ ആസ്​ട്രേലിയൻ ഡോളറാണ്​ ക്രിക്കറ്റ്​ ആസ്​ട്രേലിയ ഇൗ വർഷം വരുമാനം പ്രതീക്ഷിച്ചത്​. കോവിഡിനെ തുടർന്ന്​ കാണികൾക്ക്​ നേരിട്ട്​ കളികാണുന്നതിന്​ വിലക്കേർപ്പെടുത്തിയാൽ ടി.വിയിൽ മാത്രമായി മത്സരം പ്രദർശിപ്പിക്കേണ്ടിവന്നേക്കാം. അതിലൂടെ 50 മില്യൺ ഡോളർ കുറവ്​ വരും. ഇന്ത്യയുടെ ടൂർ കൂടി മുടങ്ങിയാൽ വലിയ നഷ്​ടമായിരിക്കും അവർക്ക്​ നേരിടേണ്ടിവരിക.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:india vs australiacricket Australia
News Summary - Australian Government Looking At Travel Exemptions For Indian Cricket Team-sports news
Next Story