ഇംഗ്ലണ്ടിനെതിരെ ആസ​്​ട്രേലിയക്ക്​ ഏഴു വിക്കറ്റ്​ വിജയം

മെൽബൺ: ത്രിരാഷ്​ട്ര ട്വൻറി20 പരമ്പരയിലെ മൂന്നാം മത്സരത്തിൽ ഇംഗ്ലണ്ടിനെതിരെ ആസ​്​ട്രേലിയക്ക്​ ഏഴു വിക്കറ്റ്​ വിജയം. ഇംഗ്ലണ്ട്​ മുന്നോട്ടുവെച്ച 138 റൺസ്​ വിജയലക്ഷ്യം ആറ്​ ഒാവറും ഏഴു​ വിക്കറ്റും ബാക്കിനിൽക്കെ ആസ്​ട്രേലിയ മറികടന്നു. 

ആദ്യം ബാറ്റ്​ ചെയ്​ത ഇംഗ്ലണ്ടിനെ പേസ്​ ബൗളർമാരായ കെയ്​ൻ റിച്ചാർഡ്​സണും (33ന്​ മൂന്ന്​) ബില്ലി സ്​റ്റാൻലേക്കും ​(28ന്​ രണ്ട്​) േചർന്നാണ്​ ചെറിയ സ്​കോറിൽ ഒതുക്കിയത്​. നായകൻ ജോസ്​ ബട്​ലർ (46), ബില്ലിങ്​സ്​ (29), വിൻസ്​ (21) എന്നിവർക്ക്​ മാത്രമേ പിടിച്ചുനിൽക്കാൻ കഴിഞ്ഞുള്ളൂ.

മറുപടി ബാറ്റിങ്ങിൽ ഡേവിഡ്​ വാർണർ (രണ്ട്​) തുടക്കത്തിലേ പുറത്ത​ായെങ്കിലും മാക്​സ്​വെൽ (39), ക്രിസ്​ ലിൻ (31), ആർസി ഷോട്ട്​ (36*), ആരോൺ ഫിഞ്ച്​ (20*) എന്നിവർ ചേർന്ന്​ അനായാസം വിജയത്തിലെത്തിച്ചു.