ആ​സ്​​​ട്രേ​ലി​യക്ക് ഒരു വിക്കറ്റ് നഷ്ടമായി

പു​ണെ: ഇന്ത്യൻ മണ്ണിലെ ഒന്നാം ടെസ്റ്റിൽ ടോസ് നേടിയ ആ​സ്​​ട്രേ​ലി​യ ബാറ്റിങ് തെരഞ്ഞെടുത്തു. ഒടുവിൽ വിവരം ലഭിക്കുമ്പോൾ ഒാസീസ് ഒരു വിക്കറ്റ് നഷ്ടത്തിൽ 84 റൺസെടുത്തിട്ടുണ്ട് . ഡേ​വി​ഡ്​ വാ​ർ​ണ​റുടെ വിക്കറ്റാണ് നഷ്ടമായത്. 38 റൺസെടുത്ത് മുന്നേറുകയായിരുന്ന വാർണറെ ഉമേഷ് യാദവാണ് പുറത്താക്കിയത്. മറ്റൊരു ഒാപണിങ് താരം  മാ​റ്റ്​ റെ​ൻ​ഷോ(36) പരിക്കേറ്റ് കളത്തിൽ നിന്നും പിൻവാങ്ങി. സ്റ്റീവൻ സ്മിത്ത്, ഷോൺ മാർഷ് എന്നിവരാണ് ക്രീസിൽ. 

 
മ​റു​വ​ശ​ത്ത്​ 20 ടെ​സ്​​റ്റി​ൽ നാ​യ​ക​നാ​യ സ്​​മി​ത്ത്​ 11 ടെ​സ്​​റ്റു​ക​ളി​ൽ ജ​യി​ച്ച​പ്പോ​ൾ അ​ഞ്ച്​ ടെ​സ്​​റ്റി​ൽ തോ​ൽ​വി​യും നാ​ല്​ ടെ​സ്​​റ്റു​ക​ളി​ൽ സ​മ​നി​ല​യും വ​ഴ​ങ്ങി.ര​ണ്ടു​പേ​ർ​ക്കും ഏ​ക​ദേ​ശം ഒ​രേ പ്രാ​യം. കോ​ഹ്​​ലി​ക്ക്​ 28. സ്​​മി​ത്തി​ന്​ 27. ര​ണ്ടു​പേ​രും ക​ളി​ച്ച​ത്​ 92 ഇ​ന്നി​ങ്​​സ്​.54 ടെ​സ്​​റ്റു​ക​ളി​ൽ​നി​ന്ന്​ കോ​ഹ്​​ലി​യു​ടെ സ​മ്പാ​ദ്യം 4451 റ​ൺ​സ്​. ഉ​യ​ർ​ന്ന സ്​​േ​കാ​ർ 235. ശ​രാ​ശ​രി 51.75. 16 സെ​ഞ്ച്വ​റി​ക​ളും 14 അ​ർ​ധ  സെ​ഞ്ച്വ​റി​ക​ളും.  50 ടെ​സ്​​റ്റു​ക​ളി​ലെ 92 ഇ​ന്നി​ങ്​​സു​ക​ളി​ൽ​നി​ന്ന്​ സ്​​മി​ത്ത്​ നേ​ടി​യ​ത്​ 4752 റ​ൺ​സാ​ണ്​. ഉ​യ​ർ​ന്ന സ്​​കോ​ർ 215. ശ​രാ​ശ​രി​യി​ൽ​ കോ​ഹ്​ ലി​യെ​ക്കാ​ൾ ഏ​റെ മു​ന്നി​ൽ. 60.15. സെ​ഞ്ച്വ​റി​യി​ലും അ​ർ​ധ ​െസ​ഞ്ച്വ​റി​യി​ലും കോ​ഹ്​​ലി​യെ​ക്കാ​ൾ മു​ന്നി​ൽ സ്​​മി​ത്ത്​ ത​ന്നെ. 17 സെ​ഞ്ച്വ​റി. 20 അ​ർ​ധ സെ​ഞ്ച്വ​റി.

തു​ട​ർ​ച്ച​യാ​യ മൂ​ന്ന്​ പ​ര​മ്പ​ര​ക​ളി​ൽ ഇ​ര​ട്ട സെ​ഞ്ച്വ​റി നേ​ടി​യ കോ​ഹ്​​ലി നാ​ലാം പ​ര​മ്പ​ര​യി​ലും നേ​ട്ടം ആ​വ​ർ​ത്തി​ക്കു​മോ എ​ന്ന  ആ​കാം​ക്ഷ​യി​ലാ​ണ്​ ക്രി​ക്ക​റ്റ്​ പ്രേ​മി​ക​ൾ. സ്​​പി​ന്നി​ന്​ അ​നു​കൂ​ല​മാ​യ ഇ​ന്ത്യ​ൻ പി​ച്ചി​ലെ ‘ച​തി​ക്കു​ഴി​ക​ൾ’ മ​റി​ക​ട​ക്കാ​ൻ ഏ​റെ ത​യാ​റെ​ടു​പ്പോ​ടെ​യാ​ണ്​ ആ​സ്​​ട്രേ​ലി​യ വ​രു​ന്ന​ത്​. ന്യൂ​സി​ല​ൻ​ഡും ഇം​ഗ്ല​ണ്ടും ഇ​ട​റി​വീ​ണ​പോ​ലെ അ​​ത്ര വേ​ഗം കീ​ഴ​ട​ങ്ങു​ന്ന​വ​ര​ല്ല ക​ങ്കാ​രു​ക്ക​ൾ. അ​തു​കൊ​ണ്ടു​ത​ന്നെ മ​ത്സ​രം തീ  ​പാ​റു​മെ​ന്നു​റ​പ്പാ​ണ്​. 
 
ലോ​ക ടെ​സ്​​റ്റ്​ റാ​ങ്കി​ങ്ങി​ൽ ഏ​റ്റ​വും മു​ക​ളി​ൽ നി​ൽ​ക്കു​ന്ന ര​ണ്ട്​ ബൗ​ള​ർ​മാ​​രെ​യാ​ണ്​ ഒാ​സീ​സി​ന്​ ഇ​ന്ത്യ​ൻ ഉ​പ​ഭൂ​ഖ​ണ്ഡ​ത്തി​ൽ നേ​രി​ടേ​ണ്ട​ത്​. അ​തി​വേ​ഗ​ത്തി​ൽ വി​ക്ക​റ്റു​ക​ൾ പി​ഴു​ത്​ റെ​ക്കോ​ഡി​ലേ​ക്ക്​ കു​തി​ക്കു​ന്ന ഒ​ന്നാം റാ​ങ്കു​കാ​ര​ൻ ര​വി​ച​ന്ദ്ര അ​ശ്വി​നി​ലും ര​ണ്ടാ​മ​ൻ ര​വീ​​ന്ദ്ര ജ​ദേ​ജ​യി​ലു​മാ​ണ്​ ഇ​ന്ത്യ​ൻ പ്ര​തീ​ക്ഷ​ക​ൾ ത​ളി​ർ​ക്കു​ന്ന​ത്​.
ക്യാ​പ്​​റ്റ​ൻ വി​രാ​ട്​ കോ​ഹ്​​ലി മു​ന്നി​ൽ​നി​ന്ന്​ ന​യി​ക്കു​ന്ന ബാ​റ്റി​ങ്ങി​ൽ ഇ​ന്ത്യ​ക്ക്​ പ​രി​​ഭ്ര​മ​ങ്ങ​ളി​ല്ല. ഒാ​പ​ണ​ർ മു​ത​ൽ വി​ക്ക​റ്റ്​ കീ​പ്പ​ർ ബാ​റ്റ്​​സ്​​മാ​ൻ  വൃ​ദ്ധി​മാ​ൻ സാ​ഹ​യും അ​ശ്വി​നും ജ​ദേ​ജ​യും വ​രെ നീ​ളു​ന്ന ബാ​റ്റി​ങ​ ലൈ​ന​പ്പ്​ ഭ​ദ്ര​മാ​ണ്​. ആ​ദ്യ പ​ന്തു മു​ത​ൽ തി​രി​ഞ്ഞു തു​ട​ങ്ങു​മെ​ന്ന ഉ​റ​പ്പി​ലാ​ണ്​ ത​ങ്ങ​ൾ ക​ട​ന്നു​വ​രു​ന്ന​തെ​ന്ന്​ സ്​​റ്റീ​വ​ൻ സ്​​മി​ത്ത്​ പ​റ​യു​ന്നു. സ്​​പി​ന്ന​ർ ന​ഥാ​ൻ  ലി​യോ​ണി​ലാ​ണ്​ ഒാ​സീ​സ​ും പ്ര​തീ​ക്ഷ വെ​ക്കു​ന്ന​ത്​. പ​ര​മ്പ​ര 3-0ത്തി​നോ 4-0ത്തി​നോ ജ​യി​ക്കാ​നാ​യാ​ൽ​ ലോ​ക റാ​ങ്കി​ങ്ങി​ൽ ഒ​ന്നാ​മ​താ​കാ​ൻ ഒാ​സീ​സി​നാ​വും. അ​തേ​സ​മ​യം, ഇ​ന്ത്യ 3-0ത്തി​നോ 3-1നോ ​പ​ര​മ്പ​ര സ്വ​ന്ത​മാ​ക്കു​മെ​ന്ന്​ മു​ൻ ടെ​സ്​​റ്റ്​ താ​രം വീ​രേ​ന്ദ്ര സെ​വാ​ഗ്​ ക​ട്ടാ​യം പ്ര​വ​ചിച്ചിരുന്നു.