ഒാസീസിന്​ ബാറ്റിങ്​​ തകർച്ച, ഏഴിന്​ 191; അശ്വിന്​ മൂന്നു വിക്കറ്റ്​

10:31 AM
07/12/2018
R-ASHWIN

അഡ്​ലെയ്​ഡ്​: ബാറ്റിങ്ങായിരുന്നു കോഹ്​ലിയുടെ പ്ലാൻ ‘എ’. ചേതേശ്വർ പുജാരയുടെ സെഞ്ച്വറി ഒഴിച്ചു നിർത്തിയാൽ ‘എ’ പ്ലാൻ പൂർണവിജയം കണ്ടില്ല. എന്നാൽ ബുംറ, അശ്വിൻ, ഇഷാന്ത്​, ഷമി കൂട്ടിൽ സമർപ്പിച്ച ബൗളിങ്​ ‘പ്ലാൻ ബി’ സമ്പൂർണ വിജയമായതോടെ അഡ്​ലെയ്​ഡ്​ ഒാവലിൽ ഒന്നാം ടെസ്​റ്റി​​​െൻറ കടിഞ്ഞാൺ കോഹ്​ലിയുടെ കൈകളിൽ. സന്ദർശകരുടെ ഒന്നാം ഇന്നിങ്​സ്​ സ്​കോറായ 250ന്​ മറുപടി ആരംഭിച്ച ഒാസീസ്​ വെള്ളിയാഴ്​ച കളി അവസാനിപ്പിക്കു​േമ്പാൾ ഏഴു വിക്കറ്റ്​ നഷ്​ടത്തിൽ 191ലേക്ക്​ ചുരുങ്ങി. മൂന്ന്​ വിക്കറ്റ്​ കൈയിലിരിക്കെ ഇന്ത്യൻ സ്​കോറിൽ നിന്നും ഇപ്പോഴും 59 റൺസ്​ അകലം. ​വിക്കറ്റ്​ വീഴ്​ചക്കിടയിലും ചെറുത്തു നിന്ന ട്രാവിസ്​ ഹെഡും (61 നോട്ടൗട്ട്​), മിച്ചൽ സ്​റ്റാർകും (8 നോട്ടൗട്ട്​) എന്നിവരാണ്​ ക്രീസിൽ. അശ്വിൻ മൂന്നും ബുംറ, ഇഷാന്ത്​ എന്നിവർ രണ്ടും വിക്കറ്റുകൾ വീഴ്​ത്തി. ആരോൺ ഫിഞ്ച്​ (0), മാർകസ്​ ഹാരിസ്​ (26), ഉസ്​മാൻ ഖ്വാജ (28), ഷോൺ മാർഷ്​ (2), പീറ്റർ ഹാൻഡ്​സ്​കോമ്പ്​ (34), ടീം പെയ്​ൻ (5), പാറ്റ്​ കമ്മിൻ (10) എന്നിവരുടെ വിക്കറ്റുകളാണ്​ നഷ്​ടമായത്​.

AUSIS-OUT

ഒച്ചിനെ​ ​േപാലെ ഒാസീസ്​
തലേ ദിനം ഒമ്പതിന്​ 250 റൺസ്​ എന്ന നിലയിൽ പിരിഞ്ഞ ഇന്ത്യക്ക്​ വെള്ളിയാഴ്​ച ചടങ്ങ്​ തീർപ്പ്​ മാത്രമായിരുന്നു ബാക്കി. പാഡണിഞ്ഞ്​ ക്രീസിലെത്തിയ ഷമിയും ബുറംയും ​അതേവേഗത്തിൽ മടങ്ങി. നേരിട്ട ആദ്യ പന്തിൽ ഷമി ഹേസൽവുഡിന്​ വിക്കറ്റ്​ സമ്മാനിച്ച്​ പുറത്തായതോടെ 250ൽ തന്നെ ഇന്ത്യൻ സ്​കോർ അവസാനിച്ചു. തൊട്ടുപിന്നാലെ ഇന്നിങ്​സ്​ ആരംഭിച്ച ആസ്​ട്രേലിയയുടെ സകല ആത്​മവിശ്വാസവും കളയുന്നതായിരുന്നു തുടക്കം. ഇശാന്ത്​ ശർമ എറിഞ്ഞ ആദ്യ ഒാവറിലെ മൂന്നാം പന്തിൽ ഒാപണർ ആരോൺ ഫിഞ്ച്​ പുറത്ത്​. മനോഹരമായ ഇൻസ്വിങ്ങറിൽ ഫിഞ്ചി​​​െൻറ കണക്കുകൾ പിഴച്ചു. രണ്ട്​ സ്​റ്റംപും തെറിപ്പിച്ച്​ ഇന്ത്യക്ക്​ ആദ്യ ബ്രേക്ക്​. ഇതിൽ പിടിച്ചായിരുന്നു കുതിപ്പ്​. സ്​കോർ ബോർഡ്​്​ ചലിക്കും മു​േമ്പ ഒാപണിങ്​ കൂട്ട്​ മടങ്ങിയതോടെ ആതിഥേയർ പതറി. എങ്കിലും,  രണ്ടാം വിക്കറ്റിൽ ഹാരിസും ഖ്വാജയും പിടിച്ചുനിന്നു. തട്ടിയും മുട്ടിയുമായിരുന്നു റൺവേട്ട. ഒടുവിൽ 22ാം ഒാവറിൽ അശ്വിൻ ഹാരിസിനെ മടക്കി ഇൗ കൂട്ട്​ പിളർത്തി. എഡ്​ജിൽ തട്ടിയ പന്ത്​ സില്ലി മിഡിൽ മുരളി വിജയുടെ കൈകളിൽ. അതേ സ്​പെല്ലിൽ അശ്വിൻ ഷോൺ മാർഷിനെയും (2) മടക്കി.

വൈഡ്​ എന്ന്​ തോന്നിയ പന്തിനെ ബാറ്റ്​ കാട്ടി വലിച്ച മാർഷ്​ വിക്കറ്റിലേക്കിട്ടു. നാലാം വിക്കറ്റിൽ പിടിച്ചുനിൽക്കാൻ ശ്രമിച്ച ഖ്വാജയെയും അശ്വിനാണ്​ പുറത്താക്കിയത്​. 128 പന്ത്​ നേരിട്ട്​ ക്ഷമയോടെ ബാറ്റ്​ വീശിയ ഖ്വാജക്ക്​ ഒരുതവണ​ മാത്രമേ പിഴച്ചുള്ളൂ. അത്​ പന്ത്​ കൈക്കലാക്കുകയും ചെയ്​തു. അറൗണ്ട്​ വിക്കറ്റിൽ ടേണും ബൗൺസും കണ്ടെത്തിയ അശ്വി​​​െൻറ പന്ത്​ ഗ്ലൗസിലുരുമ്മി പന്തി​​​െൻറ കൈകളിൽ. അമ്പയർ നിഷേധിച്ചെങ്കിലും കോഹ്​ലിയുടെ റിവ്യൂ വിജയം കണ്ടു. നാലിന്​ 87 എന്ന നിലയിൽ തകർന്ന ഒാസീസിനെ ഹാൻഡ്​സ്​കോമ്പും ട്രാവിസ്​ ഹെഡും ചേർന്നാണ്​ പിടിച്ചു നിർത്തിയത്​. 33 റൺസി​​​െൻറ ഇൗ കുട്ടുകെട്ടിൽ പിടിച്ചുനിൽക്കാൻ ശ്രമിച്ചെങ്കിലും ബുംറ അപകടം വിതച്ചു. കോമ്പിനെ ബുംറയും ക്യാപ്​റ്റൻ ടിം പെയ്​നിനെ ഇശാന്തും മടക്കി അയച്ച്​ ഇന്ത്യക്ക്​ തിരിച്ചുവരവ്​ നൽകി. അപ്പോഴും മറുതലക്കൽ ട്രാവിസ്​ ഹെഡ്​ കരുതലോടെ ബാറ്റ്​വീശുന്നുണ്ടായിരുന്നു. അശ്വി​​​​െൻറ ബുദ്ധിയും ഹെഡി​​​െൻറ ക്ഷമയും ഏറ്റുമുട്ടിയ പോരാട്ടം. ഇശാന്ത്​ ഒാഫ്സ്​റ്റംപിന്​ പുറത്തായി എറിയുന്ന പന്തുകളെ കാൽമുട്ടിൽ വളഞ്ഞ്​ എക്​​്സ്​ട്രാകവറിലൂടെ ബൗണ്ടറി കടത്തിക്കൊണ്ട്​ ഹെഡ്​ നിലയുറപ്പിച്ചു. വിക്കറ്റ്​ പെയ്​ത്തിനിടയി​ലും ധീരമായി നേടിയ അർധസെഞ്ച്വറിയുമായി (149 പന്തിൽ 61) അദ്ദേഹം കങ്കാരുപ്പടയെ തോളിലേറ്റി.

2.17
സ്വന്തംമണ്ണിൽ വിറച്ചുപോയ ഒാസീസിസി​​​െൻറ റൺ നിരക്ക്​ 2.17. 1990ന്​ ശേഷം നാട്ടിൽ കങ്കാരുപ്പടയുടെ ഏറ്റവും കുറഞ്ഞ റൺനിരക്കാണിത്​. 1994 ദക്ഷിണാഫ്രിക്കക്കെതിരെ സിഡ്​നിയിലായിരുന്നു (2.06) റെക്കോഡ്​. 

Loading...
COMMENTS