ഇന്ത്യൻ ടീമിൻെറ മുഴുവൻ സമയ നായകനാകാൻ തയ്യാർ- രോഹിത്

ദുബൈ: അവസരം ലഭിച്ചപ്പോൾ മികച്ചൊരു നായകനെന്ന്​ വീണ്ടും തെളിയിച്ചു രോഹിത്​ ശർമ. പകരക്കാരനായെത്തിയ ക്യാപ്​റ്റൻസിയിൽ ഇത്​ രണ്ടാംതവണയാണ്​ രോഹിത്​ ഇന്ത്യക്ക്​ മികച്ച കിരീടങ്ങൾ സമ്മാനിക്കുന്നത്​. ഇൗ കഴിഞ്ഞ മാർച്ചിൽ ശ്രീലങ്ക വേദിയായ നിദാഹാസ്​ ട്രോഫി ഏകദിന പരമ്പരയിലായിരുന്നു ആദ്യ നിയോഗം. കോഹ്​ലിയും ധോണിയുമില്ലാത്ത ടീമിനെ യുവതാരങ്ങളുടെ മിടുക്കിലൂടെ രോഹിത്​ കിരീടത്തിലെത്തിച്ചു. അന്നും ഫൈനലിലെ എതിരാളി ബംഗ്ലാദേശായിരുന്നു.

ഇപ്പോൾ ഇംഗ്ലണ്ട്​ പര്യടനം കഴിഞ്ഞതിനു പിന്നാലെ കോഹ്​ലിക്ക്​ വിശ്രമം നൽകിയപ്പോൾ രോഹിത്​ വീണ്ടും നായകനായി. ധോണി, ശിഖർ ധവാൻ, രവീന്ദ്ര ജദേജ തുടങ്ങിയ സീനിയർ താരങ്ങൾക്കൊപ്പം രോഹിത്​ വീണ്ടുമൊരിക്കൽ വിജയ നായകനായപ്പോൾ ഏകദിനത്തിലെ മികച്ചൊരു ക്യാപ്​റ്റനെയാണിപ്പോൾ തെളിയുന്നത്​. ലോകകപ്പിന്​ ടീ​മിനെയൊരുക്കുന്ന ടീം ഇന്ത്യ​ രോഹിതിലെ ക്യാപ്​റ്റനെ നിലനിർത്തുമോയെന്നാണ്​ അടുത്ത ചോദ്യം.

എന്നാൽ, ഉത്തരവുമായി അദ്ദേഹം റെഡി. ഏഷ്യാകപ്പ്​ കിരീട വിജയത്തിനു പിന്ന​ാലെ മധ്യമങ്ങളുടെ ചോദ്യത്തിനും രോഹിത്​ അനുകൂലമായാണ്​ പ്രതികരിച്ചത്​. ‘ഇപ്പോൾ തന്നെ ഒരു കിരീടം ജയിച്ചുകഴിഞ്ഞു. അവസരം ലഭിച്ചാൽ ടീമി​​െൻറ സ്​ഥിരം ക്യാപ്​റ്റൻസി ഏറ്റെടുക്കാൻ സന്നദ്ധമാണ്​’ -രോഹിത്​ പറഞ്ഞു. ബൗളർമാരെ അവസരത്തിനൊത്ത്​ ഉപയോഗിക്കാനും മർമമറിഞ്ഞ ഫീൽഡിങ് വിന്യാസവും കൊണ്ട്​ രോഹിതിലെ നായകനും കൈയടി നേടി.

കോച്ച്​ രവിശാസ്​ത്രിയുടെ വാക്കുകൾ സാക്ഷ്യം -‘കളിക്കിടയിൽ രോഹിതി​​െൻറ അക്ഷോഭ്യമായ സമീപനത്തിലുണ്ട്​ ക്യാപ്​റ്റൻസിയുടെ മികവ്​. ഫൈനലിൽ ബംഗ്ലാദേശ്​ ഗംഭീരമായി തുടങ്ങിയപ്പോഴും അദ്ദേഹം ശാന്തനായിരുന്നു. എതിരാളി ശക്തമായ നിലയിലായിരുന്നപ്പോൾ ബൗളിങ്​ മാറ്റങ്ങൾ നിർണായകമായി. അവസാന 30 ഒാവറിൽ 100റൺസ്​ മാത്രമേ വഴങ്ങിയുള്ളൂ’ -​രവിശാസ്​ത്രി പറയുന്നു.

ഒാപണർ എന്ന നിലയിൽ ശിഖർ ധവാനൊപ്പം വിശ്വസനീയമായൊരു കൂട്ട്​ സൃഷ്​ടിച്ച രോഹിത്​, ഒരു സെഞ്ചുറിയും രണ്ട്​ അർധസെഞ്ചുറിയുമാണ്​ ടൂർണമ​െൻറിൽ അടിച്ചുകൂട്ടിയത്​.
കളിക്കളത്തി​ൽ ത​​െൻറ ശാന്തസ്വഭാവത്തിന്​ മുൻ ക്യാപ്​റ്റൻ എം.എസ്​. ധോണിയോടാണ്​ അദ്ദേഹം​ നന്ദി പറയുന്നത്​. ‘ധോണി ഭായിൽനിന്ന്​ എപ്പോഴും പഠിക്കാനുണ്ടാവും. എക്കാലത്തെയും മികച്ച ക്യാപ്​റ്റനാണ് അദ്ദേഹം​. ഗ്രൗണ്ടിൽ എ​േപ്പാൾ എന്ത്​ സംശയമുണ്ടെങ്കിലും ഉത്തരവുമായി ധോണിയുണ്ടാവും. എ​​െൻറ സ്വഭാവത്തിലെ ശാന്തതയും ധോണിയിൽനിന്ന്​ പഠിച്ചതാണ്​. ഏത്​ സമ്മർദ ഘട്ടങ്ങളിൽ തീരുമാനമെടുക്കു​േമ്പാഴും അദ്ദേഹത്തിന്​ പരിഭ്രമമില്ല. അതെല്ലാം എ​​െൻറ ശൈലിയിലുമുണ്ട്​’ -രോഹിത്​ പറയുന്നു.

കളിക്കളത്തിലെ ശാന്തതയിലും ബാറ്റിങ്ങിലെ കരുത്തിലും തീരുമാനങ്ങളിലും മാത്രമൊതുങ്ങുന്നില്ല കാര്യങ്ങൾ. ടൂർണമ​െൻറിൽ യുവതാരങ്ങളെ പ്രചോദിപ്പിക്കുന്നതിലും ഡി.ആർ.എസ്​ ഉപയോഗിക്കുന്നതിലും ​രോഹിത്​ മികച്ച ക്യാപ്​റ്റനായി. െഎ.പി.എല്ലിൽ മുംബൈയെ രണ്ടുതവണ കിരീടമണിയിച്ച നായകന്​ നീലക്കുപ്പായത്തി​ലും ഇരിപ്പുറക്കുന്ന കാലം വിദൂരമല്ല.