ആഷസ്​: നാലാം ടെസ്​റ്റിൽ റെക്കോർഡ്​ പ്രകടനവുമായി അലിസ്​റ്റർ കുക്ക്​

​മെൽബൺ: കരിയറിലെ അഞ്ചാം ഇരട്ട ശതകം തികച്ച അലിസ്​റ്റർ കുക്കി​​​െൻറ പ്രകടത്തി​​​െൻറ കരുത്തിൽ ആഷസ്​ പരമ്പരയിലെ നാലാം ടെസ്​റ്റിൽ ഇംഗ്ലണ്ടിന്​ മേൽകൈ. ടെസ്​റ്റിലെ ഇംഗ്ലണ്ടി​​​െൻറ റൺമെഷീനായ കുക്ക് ഇൗ പ്രകടനത്തിലൂടെ​ നിരവധി റെക്കോർഡുകളും സ്വന്തമാക്കി. മെൽബണിലെ സ്​റ്റേഡിയത്തിൽ ഒാസീസിനെതിരെ ഏറ്റവും ഉയർന്ന സ്​കോർ നേടുന്ന താരമായ കുക്ക്​ വിവിയർ റിച്ചാർഡ്​സ്​ നേടിയ 208 റൺസാണ്​ മറികടന്നത്​. ടെസ്​റ്റിലെ ആകെ റൺവേട്ടയിൽ ബ്രയാൻ ലാറയെ പിന്തള്ളി ആറാം സ്​ഥാനത്താണ്​ കുക്കിപ്പോൾ. പരമ്പര നഷ്​ടമായെങ്കിലും അവശേഷിക്കുന്ന ടെസ്​റ്റുകളിൽ മികച്ച വിജയം നേടാനുള്ള ശ്രമത്തിലാണ്​ ഇംഗ്ലണ്ട്​. സ്​കോർ ഇംഗ്ലണ്ട്​: 491/9

കുക്കി​നെ​ രണ്ട്​ തവണ വിട്ട്​ കളഞ്ഞതിന്​ നായകൻ സ്​റ്റീവ്​ സ്​മിത്തിന്​​ കൊടുക്കേണ്ടി വന്നത്​ വലിയ വിലയായിരുന്നു. 33 കാരനായ ഇൗ ഇംഗ്ലീഷ്​ ഒാപണർ  പത്തര മണി​ക്കൂറോളമാണ്​ ആസ്​ത്രേലിയൻ ബൗളർമാരെ വെള്ളം കുടിപ്പിച്ച്​ ക്രീസിൽ നിലയുറപ്പിച്ചത്​. 406 ബോളുകൾ നേരിട്ട താരം 27 എണ്ണം പറഞ്ഞ ബൗണ്ടറികളും പറത്തി. ഇതോടെ കംഗാരു പട ഉയർത്തിയ 327 റൺസ്​ മറികടന്ന്​ 491 റൺസുമായി മികച്ച നിലയിലാണ്​ ഇംഗ്ലണ്ട്​. നിലവിൽ ഇംഗ്ലണ്ടിന്​ 164 റൺസ്​ ലീഡുണ്ട്​.​