സചിനെ വിമർശിച്ച്​ അർണബ്​; പ്രതിഷേധം

ന്യൂഡൽഹി: പാകിസ്​താനുമായുള്ള മൽസരം സംബന്ധിച്ച്​ മുൻ ഇന്ത്യൻ ക്രിക്കറ്റ്​ താരം സചിൻ തെൻഡുൽക്കറുടെ പ്രസ്​താവ നക്കെതിരെ റിപബ്ലിക്​ ടി.വി അവതാരകൻ അർണബ്​ ഗോസാമി. ചാനൽ ചർച്ചക്കിടെ അർണബ് കടുത്ത ഭാഷയിലാണ്​​ സചിനെ​ വിമർശിച്ച ത്​. ഞാൻ ഒരു ദൈവത്തിലും വിശ്വാസിക്കുന്നില്ല. സചി​​െൻറ പ്രസ്​താവന 100 ശതമാനവും തെറ്റാണ്​. ഇന്ത്യ പാകിസ്​താനെതിരെ കളിക്കരുതെന്ന്​ പറയേണ്ടിയിരുന്ന ആദ്യത്ത​യാൾ സചിനായിരുന്നു. ഇത്​ പറയേണ്ടിയിരുന്ന രണ്ടാമത്തെ വ്യക്​തി സുനിൽ ഗവാസ്​കറാണെന്നും അർണബ്​ വ്യക്​തമാക്കിയിരുന്നു.

മൽസരത്തിലുടെ ലഭിക്കുന്ന രണ്ട്​ പോയിൻറ്​ വേണമെന്നാണ്​ ഇരുവരും ആവശ്യപ്പെടുന്നത്​. രണ്ട്​ പോയിൻറല്ല രക്​തസാക്ഷി​കളോടുള്ള പ്രതികാരമാണ്​ ഇപ്പോൾ വലുത്​. ആ രണ്ട്​ പോയിൻറ്​ വാങ്ങി സചിന്​ വേണമെങ്കിൽ ചവറ്റുകുട്ടയിൽ എറിയാമെന്നും അർണബ്​ കൂട്ടിച്ചേർത്തു. പാകിസ്​താനെ ഒരിക്കൽ കൂടി തോൽപ്പിക്കേണ്ട സമയമായെന്നായിരുന്നു സചി​​െൻറ പ്രസ്​താവന.

അതേസമയം, സചിൻ തെൻഡുൽക്കറിനെതിരായ അർണബി​​െൻറ പ്രസ്​താവന പുറത്ത്​ വന്നതോടെ വിവിധ കോണുകളിൽ നിന്നുള്ള പ്രതിഷേധവും ശക്​തമാവുകയാണ്​. അർണബി​​െൻറ പരാമർശത്തെ തുടർന്ന്​ ചർച്ചയിൽ പ​െങ്കടുത്ത രാഷ്​ട്രീയ നിരീക്ഷകൻ സുധീന്ദ്ര കുൽക്കർണി, എ.എ.പി നേതാവ്​ അശുതോഷ്​ എന്നിവർ ഇറങ്ങി പോയി. സചിനെയും രാജ്യദ്രോഹിയാക്കാൻ അർണബ്​ ശ്രമിക്കുന്നുവെന്ന്​ ആരോപിച്ചായിരുന്നു ഇറങ്ങിപ്പോക്ക്​.