Top
Begin typing your search above and press return to search.
exit_to_app
exit_to_app
Homechevron_rightSportschevron_rightCricketchevron_rightഐ.പി.എൽ വാതുവെപ്പ്​:...

ഐ.പി.എൽ വാതുവെപ്പ്​: അർബാസ്​ ഖാൻ കുറ്റം സമ്മതിച്ചു

text_fields
bookmark_border
ഐ.പി.എൽ വാതുവെപ്പ്​: അർബാസ്​ ഖാൻ കുറ്റം സമ്മതിച്ചു
cancel

താണെ (മഹാരാഷ്​ട്ര): ​െഎ.പി.എൽ ക്രിക്കറ്റ്​ വാതുവെപ്പ്​ കേസിൽ പ്രശസ്​ത ബോളിവുഡ്​ നടനും നിർമാതാവുമായ അർബാസ്​ ഖാൻ കുറ്റം സമ്മതിച്ചു. വാതുവെപ്പിൽ പങ്കാളിയായതായി താണെ ആൻറി എക്​സ്​ടോർഷൻ സെല്ലിന്​(എ.ഇ.സി) മുമ്പാകെയാണ്​ ഖാൻ കുറ്റസമ്മതം നടത്തിയത്​. മൊഴി രേഖപ്പെടുത്താനായി ശനിയാഴ്​ചയാണ്​ അദ്ദേഹത്തെ വിളിച്ചു വരുത്തിയത്​. അർബാസ്​ ഖാ​​​​െൻറ വാതുവെപ്പ് സംഘവുമായുള്ള ബന്ധത്തെ കുറിച്ച്​ നേരത്തേ​ അറസ്​റ്റിലായ വാതുവെപ്പുകാരൻ സോനു ജലാൻ ​അന്വേഷണ ഉദ്യോഗസ്​ഥരോട്​ വെളിപ്പെടുത്തിയിരുന്നു. പൊലീസ്​ സ്​റ്റേഷനിൽ ഖാനെയും ജലാനേയും മുഖാമുഖം ഇരുത്തിയാണ്​ േചാദ്യം ചെയ്​തത്​. അധോലോക രാജാവ്​ ദാവൂദ്​ ഇബ്രാഹിമുമായി ബന്ധമുള്ളയാളാണ്​ ജലാനെന്ന്​ സൂചനയുണ്ട്​.

ജലാൻ ഉ​ൾപ്പെടെ രാജ്യാന്തര വാതുവെപ്പു സംഘത്തിലെ നാലു പേർ മേയ്​ 15നാണ്​​ എ.ഇ.സിയുടെ വലയിലാകുന്നത്​. തുടർന്നു നടത്തിയ അന്വേഷണത്തിലാണ്​ ജലാനും അർബാസും തമ്മിലുള്ള ബന്ധം പുറത്തുവരുന്നത്​. അഞ്ചു വർഷത്തോളമായി പരസ്​പരം അറിയാമെന്ന്​ ഇരുവരും പറഞ്ഞു. െഎ.പി.എൽ ടീമുകൾക്കുവേണ്ടിയും കളിക്കാർക്കുവേണ്ടിയും വാതുവെപ്പിലേർപ്പെട്ട പല പ്രമുഖരുടെ പേരു വിവരങ്ങളും സോനു ജലാൻ വെളിപ്പെടുത്തിയിട്ടുണ്ടെന്ന് താണെ ക്രൈം ബ്രാഞ്ചിലെ ആൻറി എക്​സ്​ടോർഷൻ സെൽ ഒാഫിസർ പറഞ്ഞു. ജലാ​​​​െൻറ മൊഴി അയാളുടെ കൈപ്പടയിലെഴുതിയ സ്വകാര്യ ഡയറിയിലെ കുറിപ്പുകളുമായി പരിശോധിച്ച്​ സ്​ഥിരീകരിച്ചിട്ടു​ണ്ട്​.

കഴിഞ്ഞ ​െഎ.പി.എൽ സീസണുകളിലൊന്നിൽ ഖാൻ ജലാനുമായി ചേർന്ന്​ വാതുവെപ്പിൽ പങ്കാളിയായിരുന്നതായി പൊലീസ്​ പറഞ്ഞു. വലിയ പണം കൈമാറ്റം ഖാനും ജലാനുമായുണ്ടായി. എന്നാൽ, കോടികൾ നൽകിയില്ലെങ്കിൽ​ ഖാ​​​​െൻറ വാതുവെപ്പ്​ സ്വാഭാവ​ം പുറംലോകത്തെ അറിയിക്കുമെന്ന​ ഭീഷണി ഉയർന്നു. മൂന്നു കോടിയോളം രൂപയുടെ ഇടപാട്​ ജലാനുമായി അർബാസ്​ ഖാൻ നടത്തിയതായാണ്​ പൊലീസ്​ വൃത്തങ്ങൾ നൽകുന്ന സൂചന. 2013ൽ മലയാളി ക്രിക്കറ്റ്​ താരം ശ്രീശാന്ത്​ അകപ്പെട്ട വാതുവെപ്പ്​ കേസി​​​​െൻറ സൂത്രധാരനും സോനു ജലാൻ ആയിരുന്നു.

Show Full Article
TAGS:Arbaaz Khan sonu jalan IPL ipl gambling betting india news malayalam news 
News Summary - Arbaaz Khan confesses to IPL betting-india news
Next Story