Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightSportschevron_rightCricketchevron_right​െഎ.പി.എല്ലിന്​...

​െഎ.പി.എല്ലിന്​ വേദിയാകാൻ താൽപര്യമറിയിച്ച്​ കോവിഡ്​ മുക്​ത ന്യൂസിലാൻഡ്​

text_fields
bookmark_border
​െഎ.പി.എല്ലിന്​ വേദിയാകാൻ താൽപര്യമറിയിച്ച്​ കോവിഡ്​ മുക്​ത ന്യൂസിലാൻഡ്​
cancel

മുംബൈ: കോവിഡ് കേസുകൾ അനിയന്ത്രിതമായി വർധിച്ച സാഹചര്യത്തിൽ ഇന്ത്യൻ പ്രീമിയർ ലീഗ്​ രാജ്യത്ത്​ നടത്തുന്ന കാര്യം പ്രതിസന്ധിയിൽ നിൽക്കെ വേദിയാവാൻ താൽപര്യമറിയിച്ച്​ ന്യൂസിലൻഡ്​​ രംഗത്ത്​. പണക്കിലുക്കമുള്ള ​െഎ.പി.എല്ലി​​​​െൻറ 13ാം സീസൺ നടത്താന്‍ തയാറാണെന്ന് അറിയിച്ച് രംഗത്തു വരുന്ന മൂന്നാമത്തെ രാജ്യമാണ് ന്യൂസിലൻഡ്​. നേരത്തെ ശ്രീലങ്ക, യു.എ.ഇ എന്നിവരും മുന്നോട്ടുവന്നിരുന്നു. ന്യൂസിലൻഡും ഐ.പി.എല്ലിനു വേദിയാകാൻ രംഗത്തു വന്നവരുടെ കൂട്ടത്തിലുണ്ടെന്നു ബി.സി.സി.ഐയുടെ മുതിര്‍ന്ന ഉദ്യോഗസ്ഥനാണ് പി.ടി.ഐയോട് പ്രതികരിച്ചത്. 

കോവിഡ്​ കേസുകളുടെ എണ്ണത്തിൽ നിലവിൽ അമേരിക്കക്കും ബ്രസീലിനും പിറകിലുള്ള ഇന്ത്യയിൽ നടത്തുന്നതിന്​ പകരം കോവിഡ്​ മുക്​തമായ ന്യൂസിലൻഡിൽ ടൂർണമ​​​െൻറ്​ നടത്തുന്ന കാര്യംകൂടി ബോർഡ്​ പരിഗണിക്കാനിടയുണ്ട്​​. ആസ്‌ട്രേലിയയില്‍ നടക്കാനിരിക്കുന്ന ടി-20 ലോകകപ്പ് മാറ്റിവെക്കുമെന്ന്​ ഏറെക്കുറെ ഉറപ്പായ സാഹചര്യത്തിൽ സെപ്തംബര്‍- ഒക്‌ടോബര്‍ മാസങ്ങളിലായി ഐ.പി.എല്‍ നടത്താമെന്ന പദ്ധതിയിലാണ്​ ബി.സി.സി.ഐ. അതി​ന്‍റെ ഔദ്യോഗിക പ്രഖ്യാപനം വരുന്നതോടെ ലീഗി​​​​െൻറ വേദിയുള്‍പ്പെടെ കാര്യങ്ങൾ ബി.സി.സി.​െഎ വെളിപ്പെടുത്തുമെന്നാണ്​ സൂചന.

ഐ.പി.എല്‍ ഇന്ത്യയില്‍ തന്നെ സംഘടിപ്പിക്കാനാണ്​​ ബി.സി.സി.ഐയുടെ പ്രഥമ ലക്ഷ്യം. എന്നാൽ, രാജ്യത്ത്​ സുരക്ഷിതമല്ലെങ്കില്‍ വിദേശത്തു ടൂര്‍ണമ​​​െൻറ്​ നടത്തുന്നതിനെ കുറിച്ച്​ആലോചിക്കേണ്ടി വരും. ബ്രോഡ്കാസ്റ്റര്‍, മറ്റു ഓഹരിയുടമകള്‍ എന്നിവരുമായി ചര്‍ച്ച ചെയ്ത ശേഷമായിരിക്കും അന്തിമ തീരുമാനം. താരങ്ങളുടെ സുരക്ഷക്കാണ്​ പ്രഥമപരിഗണന. അക്കാര്യത്തില്‍ വിട്ടുവീഴ്ചയില്ല -ബി.സി.സി.ഐ ഉദ്യോഗസ്ഥൻ വ്യക്തമാക്കി.

2009ൽ പൊതുതെരഞ്ഞെടുപ്പിനെ തുടർന്ന്​ ​െഎ.പി.എൽ പൂർണ്ണമായി ദക്ഷിണാഫ്രിക്കയിലേക്ക്​ മാറ്റിയിരുന്നു. 2014ൽ തെരഞ്ഞെടുപ്പ്​ മൂലം തന്നെ ഭാഗികമായി യു.എ.ഇയിലും നടത്തിയിരുന്നു. ലീഗ്​ നടത്താൻ ഏറ്റവും സാധ്യത കൽപ്പിക്കുന്നത്​ യു.എ.ഇക്കാണെങ്കിലും ചിലവ്​ കുറവ്​ എന്ന കാരണം കൊണ്ട്​ ശ്രീലങ്കയെ പരിഗണിക്കാനുമിടയുണ്ട്​. കോവിഡ്​ മുക്​ത രാജ്യം എന്ന നേട്ടമുണ്ട്​ ന്യൂസിലാൻഡിന്​. അതേസമയം, ഇന്ത്യയും ന്യൂസിലാൻഡും തമ്മിൽ ഏഴര മണിക്കൂറോളം സമയം വ്യത്യാസമുണ്ട്​ എന്നതാണ്​ പ്രധാന തിരിച്ചടി.

Show Full Article
TAGS:IPL 2020 BCCI newzealand icc 
Next Story