Top
Begin typing your search above and press return to search.
exit_to_app
exit_to_app
Homechevron_rightSportschevron_rightCricketchevron_rightഅവസാന മത്സരത്തിലും...

അവസാന മത്സരത്തിലും അനായാസ ജയം; പരമ്പര തൂത്തുവാരി ഇന്ത്യ

text_fields
bookmark_border
അവസാന മത്സരത്തിലും അനായാസ ജയം; പരമ്പര തൂത്തുവാരി ഇന്ത്യ
cancel
ഗയാന: വിൻഡീസിനെതിരെ അവസാന മത്സരവും അനായാസം ജയിച്ചടക്കി കുട്ടിക്രിക്കറ്റിൽ കോഹ്​ലിപ്പടയുടെ തേരോട്ടം. പരമ്പ രയിലെ ആദ്യ രണ്ടും ജയിച്ച്​ ഗയാനയിലെ പ്രോവിഡൻസിൽ ഇറങ്ങിയ ടീം ബാറ്റിങ്ങിലും ബൗളിങ്ങിലും സമ്പൂർണ ആധിപത്യം നിലന ിർത്തിയാണ്​ ജയവും പരമ്പരയും അടിച്ചെടുത്തത്​. വിൻഡീസ്​ ബൗളിങ്ങിനെ നിർദയം പ്രഹരിച്ച്​ അർധ സെഞ്ച്വറി കുറിച്ച നാ യകൻ വിരാട്​ കോഹ്​ലിയും (59) വിക്കറ്റ്​ കീപ്പർ ഋഷഭ്​ പന്തും (65) ഇന്ത്യൻ ബാറ്റിങ്ങി​​െൻറ നെടുംതൂണായി​.

തുടക്കത്ത​ിലേ വിക്കറ്റ്​ കളഞ്ഞ ശിഖർ ധവാനും പിറകെ മടങ്ങിയ രാഹുലും നിർത്തിയിടത്തുനിന്നായിരുന്നു ഇരുവരുടെയും കുതിപ്പ്​. തുടക്കം മഴ മുടക്കിയ മത്സരത്തിൽ 147 റൺസ്​ വിജയ ലക്ഷ്യമാണ്​ വിൻഡീസ്​ ഇന്ത്യക്കെതിരെ ഉയർത്തിയത്​. രണ്ടാം രാജ്യാന്തര മത്സരത്തിനിറങ്ങിയ ദീപക്​ ചഹർ മൂന്നും അരങ്ങേറിയ സഹോദരൻ രാഹുൽ ചഹർ ഒരു വിക്കറ്റും വീഴ്​ത്തിയ കളിയിൽ കീറൺ പൊളാർഡ്​ നേടിയ അർധശതകമാണ്​ വിൻഡീസ്​ ഇന്നിങ്​സിന്​ കരുത്തായത്​.


ദീപകി​​െൻറ മുനയേറിയ പന്തുകൾക്കു മുന്നിൽ തുടക്കം പിഴച്ച വിൻഡീസ്​ ആദ്യ വിക്കറ്റുകൾ കളഞ്ഞുകുളിച്ചപ്പോൾ നാലാമനായി ഇറങ്ങിയ പൊളാർഡ്​ രക്ഷക വേഷമണിയുകയായിരുന്നു. തുടക്കത്തിൽ പിടിച്ചുനിൽക്കുകയും അവസാനം ആഞ്ഞുവീശുകയും ചെയ്​ത പൊളാർഡ്​ 45 പന്തുകളിൽ 58 റൺസ്​ എടുത്തപ്പോൾ വാലറ്റത്ത്​ റോവ്​മാൻ പവൽ 32 റൺസുമായി ഉറച്ച പിന്തുണ നൽകി. മഴയുടെ ഇൗർപ്പം നിന്ന പിച്ചി​​െൻറ ആനുകൂല്യം മുതലാക്കാമെന്നു കരുതി ടോസ്​ ലഭിച്ചിട്ടും ബൗളിങ്​ തെരഞ്ഞെടുത്ത ഇന്ത്യയുടെ തീരുമാനം ശരിവെക്കുന്ന തരത്തിലായിരുന്നു ഭു​വനേശ്വറും ദീപകും തുടക്കമിട്ട ഇന്ത്യൻ ബൗളിങ്ങി​​െൻറ പ്രകടനം. അവസാനം വരെ പൊരുതിനിന്ന വിൻഡീസ്​ ആറു വിക്കറ്റ്​ നഷ്​ടത്തിലാണ്​ 146ലെത്തിയത്​.
Show Full Article
TAGS:3rd T20I India vs West Indies 
News Summary - 3rd T20I, India tour of United States of America and West Indies
Next Story