ഐ.പി.എല്ലില്‍ അനന്തന് അരങ്ങേറ്റം

ന്യൂഡല്‍ഹി: ഇന്ത്യന്‍ പ്രീമിയര്‍ ലീഗില്‍ അമ്പയറായി മുന്‍ കേരള ക്യാപ്റ്റന്‍ കെ.എന്‍. അനന്തപത്മനാഭന് അരങ്ങേറ്റം. ഫിറോസ്ഷാ കോട്ലയില്‍ നടന്ന ഡല്‍ഹി ഡെയര്‍ഡെവിള്‍സ്-കൊല്‍ക്കത്ത നൈറ്റ്റൈഡേഴ്സ് മത്സരത്തിലാണ് അനന്തപത്മനാഭന്‍ അമ്പയറായി ഗ്രൗണ്ടിലിറങ്ങിയത്. ഐ.പി.എല്ലിലെ ആദ്യ മലയാളി അമ്പയര്‍കൂടിയാണ് അനന്തന്‍. ദക്ഷിണാഫ്രിക്കക്കാരന്‍ മറൈസ് എറാസ്മസിനൊപ്പമായിരുന്നു അനന്തന്‍ മത്സരം നിയന്ത്രിച്ചത്. 
രഞ്ജി ഉള്‍പ്പെടെ നിരവധി ഫസ്റ്റ്ക്ളാസ് മത്സരങ്ങള്‍ നിയന്ത്രിച്ച പരിചയ സമ്പത്തുമായാണ് ഐ.പി.എല്‍ അരങ്ങേറ്റം.