അച്ചടക്കലംഘനം: ജാസണ്‍ റോയിക്കും ഡേവിഡ് വില്ലിക്കും പിഴ

ന്യൂഡല്‍ഹി: അച്ചടക്കലംഘനത്തിന്‍െറ പേരില്‍ ഇംഗ്ളീഷ് ഓപണര്‍ ജാസണ്‍ റോയിക്കും പേസ് ബൗളര്‍ ഡേവിഡ് വില്ലിക്കും പിഴ. ശ്രീലങ്കക്കെതിരായ മത്സരത്തിനിടെ അമ്പയറുടെ തീരുമാനത്തോട് മോശം രീതിയില്‍ പ്രതിഷേധിച്ചതിനാണ് റോയിക്ക് മാച്ച് ഫീയുടെ 30 ശതമാനം പിഴ ചുമത്തിയത്. 13ാം ഓവറില്‍ അമ്പയര്‍ എല്‍.ബി.ഡബ്ള്യു ഒൗട്ട് വിധിച്ചപ്പോള്‍ ബാറ്റും ഹെല്‍മറ്റും ഫീല്‍ഡിലേക്ക് വലിച്ചെറിഞ്ഞാണ് റോയ് ക്രീസ് വിട്ടത്. ശ്രീലങ്കന്‍ ബാറ്റ്സ്മാന്‍ മിലിന്ദ സിരിവര്‍ധനെയെ പുറത്താക്കിയപ്പോള്‍ മോശം വാക്കുകള്‍ ഉപയോഗിക്കുകയും ആഗ്യം കാണിക്കുകയും ചെയ്തതാണ് ഡേവിഡ് വില്ലിയെ കുരുക്കിയത്. മാച്ച് ഫീയുടെ 15 ശതമാനമാണ് പിഴയായി ചുമത്തിയത്.