ജോളി റോവേഴ്സ് ക്രിക്കറ്റ്: കണ്ണൂരിനും ബിലാത്തിക്കുളം ക്രിക്കറ്റ് ക്ളബിനും ജയം

പെരിന്തല്‍മണ്ണ: ജോളി റോവേഴ്സ് ക്ളബ് സംഘടിപ്പിക്കുന്ന 33ാമത് ഡോ. എം.എസ്. നായര്‍ മെമ്മോറിയല്‍ ക്രിക്കറ്റ് ടൂര്‍ണമെന്‍റില്‍ സി.ഡി.സി.എ ഇലവന്‍ കണ്ണൂര്‍ ഏഴ് വിക്കറ്റിന് ചലഞ്ചേഴ്സ് തൃശൂരിനെയും ബിലാത്തിക്കുളം ക്രിക്കറ്റ് ക്ളബ് ആറ് വിക്കറ്റിന് സി.സി ഗ്ളോബ് സ്റ്റാര്‍ ആലുവയെയും പരാജയപ്പെടുത്തി. ചലഞ്ചേഴ്സ് സി.സി തൃശൂര്‍ നിശ്ചിത 30 ഓവറില്‍ എട്ട് വിക്കറ്റ് നഷ്ടത്തില്‍ 131 റണ്‍സെടുത്തു. സി.ഡി.സി.എ ഇലവന്‍ കണ്ണൂര്‍ 16.2 ഓവറില്‍ മൂന്ന് വിക്കറ്റ് നഷ്ടത്തില്‍ ലക്ഷ്യത്തിലത്തെി. ഗ്ളോബ് സ്റ്റാര്‍ ആലുവ 28 ഓവറില്‍ 180 റണ്‍സിന് എല്ലാവരും പുറത്തായി. ബിലാത്തിക്കുളം 27.1 ഓവറില്‍ നാല് വിക്കറ്റ് നഷ്ടത്തില്‍ ലക്ഷ്യംകണ്ടു.