കോഹ്​ലിക്ക്​ 34 കോടിയുടെ ഫ്ലാറ്റ്

മുംബൈ: ഇന്ത്യൻ ക്രിക്കറ്റ്​ ടീമി​​െൻറ സ്​റ്റാർ ബാറ്റ്​സ്​മാനും ടെസ്​റ്റ്​ ടീം ക്യാപ്​റ്റനുമായ വിരാട്​കോഹ്​ലി 34 കോടിയുടെ ഫ്ലാറ്റ്​ വാങ്ങുന്നതായി റിപ്പോർട്ട്​. ​1973 മുതൽ ​വോളി ആസ്​ഥാനമായി പ്രവർത്തിക്കുന്ന ഒാംകാർ റസിഡൻഷ്യൽ പ്രോജക്​ടി​െൻറ ഉടമസ്​ഥതയിൽ മുംബൈയിലുള്ള ആഡംബര ഫ്ലാറ്റാണ്​ കോഹ്​ലി വാങ്ങിയത്​. 7171 സ്​ക്വെയർ ഫീറ്റിൽ അറേബ്യൻ കടലിന്​ അഭിമുഖമായി നിൽക്കുന്ന കെട്ടിടത്തി​െൻറ 35ാമത്​ നിലയാണ്​ അദ്ദേഹം വാങ്ങിയത്​.

മറ്റൊരു ക്രിക്കറ്റ്​ താരം യുവരാജ്​ സിങ്​ 2014ൽ ഇതി​െൻറ 29ാം നില സ്വന്തമാക്കിയിരുന്നു. പ്രമുഖ കെട്ടിട നിർമാണ കമ്പനിയായ സ്​കൈ ബംഗ​ലോവ്​സി​െൻറ കൂടി ഭാഗമായ കെട്ടിടത്തിൽ വിശലമായ കിടപ്പു മുറി, ഡൈനിംങ്​ ഹാൾ, സൗകര്യ പ്രദമായ കുളിമുറി, വ്യായാമത്തിനുള്ള സ്​ഥലം, അടുക്കള, ജോലിക്കാർക്ക്​ വേണ്ടിയുള്ള മുറികൾ അവർക്കായിട്ട്​ ​​പ്രത്യേകം അടുക്കള തുടങ്ങിയവയുമുണ്ട്​. 2018 ഒാടെയാണ്​ കോഹ്​ലി ഇതിൽ താമസമാക്കുക.