അണ്ടര്‍ 19 ക്രിക്കറ്റ് ലോകകപ്പ്: ഇന്ത്യക്ക് വിജയത്തുടക്കം

ധാക്ക: അണ്ടര്‍ 19 ലോകകപ്പിലെ ആദ്യ മത്സരത്തില്‍ അയര്‍ലന്‍ഡിനെതിരെ ഇന്ത്യക്ക് 79 റണ്‍സിന്‍െറ വിജയത്തുടക്കം. ആദ്യം ബാറ്റു ചെയ്ത ഇന്ത്യ നിശ്ചിത ഓവറില്‍ ഒമ്പത് വിക്കറ്റ് നഷ്ടത്തില്‍ 268 റണ്‍സെടുത്തപ്പോള്‍ 49.1 ഓവറില്‍ അയര്‍ലന്‍ഡ് 189ന് പുറത്തായി.
തകര്‍ച്ചയോടെ തുടങ്ങിയ ഇന്ത്യയെ സര്‍ഫ്രാസ് ഖാനും(74) വാഷിങ്ടണ്‍ സുന്ദറു(62)മാണ് രക്ഷിച്ചത്. റിക്കി ഭുയി 39ഉം സീഷന്‍ അന്‍സാരി 36ഉം റണ്‍സെടുത്തു.
മൂന്ന് വിക്കറ്റെടുത്ത രാഹുല്‍ ബതാം, രണ്ട് വിക്കറ്റ് വീതം വീഴ്ത്തിയ അവേശ് ഖാന്‍, മഹിപാല്‍ ലോംറോര്‍ എന്നിവരാണ് അയര്‍ലന്‍ഡിനെ തകര്‍ത്തത്.  
മറ്റു മത്സരങ്ങളില്‍ പാകിസ്താന്‍ ആറു വിക്കറ്റിന് അഫ്ഗാനിസ്താനെയും ശ്രീലങ്ക 196 റണ്‍സിന് കാനഡയെയും നേപ്പാള്‍ 32 റണ്‍സിന് ന്യൂസിലന്‍ഡിനെയും തോല്‍പിച്ചു.