അന്തര്‍ മേഖല ക്രിക്കറ്റ്:  മധ്യമേഖലക്ക്  409 റണ്‍സ് വിജയലക്ഷ്യം

പെരിന്തല്‍മണ്ണ: സംസ്ഥാന അന്തര്‍ മേഖല ക്രിക്കറ്റ് ടൂര്‍ണമെന്‍റില്‍ മധ്യ-ദക്ഷിണ മേഖല മത്സരത്തില്‍ മധ്യമേഖലക്ക് 409 റണ്‍സിന്‍െറ വിജയലക്ഷ്യം. 24.1 ഓവറില്‍ ആറ് വിക്കറ്റ് നഷ്ടത്തില്‍ 90 റണ്‍സില്‍നിന്ന് ഇന്നിങ്സ് പുനരാരംഭിച്ച മധ്യമേഖല 45.4 ഓവറില്‍ 161 റണ്‍സിന് എല്ലാവരും പുറത്തായി. അര്‍ജുന്‍ അജി 34 റണ്‍സ് നേടി. 

രണ്ടാം ഇന്നിങ്സ് ആരംഭിച്ച ദക്ഷിണ മേഖല  61 ഓവറില്‍ 218 റണ്‍സിന് എല്ലാവരും പുറത്തായി.  ബാലു ബാബു 98 റണ്‍സും ഹരികൃഷ്ണന്‍ 41 റണ്‍സും അഭയ് ജോതിന്‍ 34 റണ്‍സും നേടി. മധ്യമേഖലക്ക് വേണ്ടി ബേസില്‍ അഞ്ച് ഓവറില്‍ 28 റണ്‍സ് വിട്ടുകൊടുത്ത് മൂന്ന് വിക്കറ്റ് നേടി. 
വിജയ ലക്ഷ്യമായ 409 എന്ന കൂറ്റന്‍ സ്കോര്‍ മുന്നില്‍ കണ്ട് ഇന്നിങ്സ് പുനരാരംഭിച്ച മധ്യമേഖല കളി നിര്‍ത്തുമ്പോള്‍ ഒരു വിക്കറ്റ് നഷ്ടത്തില്‍ ആറ് ഓവറില്‍ 19 റണ്‍സെടുത്തിട്ടുണ്ട്.