ധോണിക്കരുത്തില്‍ ഹീറോസിന് ജയം

ലണ്ടന്‍: അവസാന ഓവറുകളില്‍ കത്തിക്കയറിയ ഇന്ത്യന്‍ നായകന്‍ എം.എസ്. ധോണിയുടെ കരുത്തില്‍ വേള്‍ഡ് ഇലവനെതിരെ ഹീറോസ് ഇലവന് നാലു വിക്കറ്റ് ജയം. ഗുരുതര പരിക്കേറ്റ് ചികിത്സയില്‍ കഴിയുന്ന ബ്രിട്ടീഷ് സൈനികരെ സഹായിക്കാന്‍ ലക്ഷ്യമിട്ട് ലണ്ടനിലെ ഓവലില്‍ അരങ്ങേറിയ ചാരിറ്റി ട്വന്‍റി20 ക്രിക്കറ്റ് മാച്ചിലാണ് ഹീറോസ് ഇലവന്‍, ലോക ഇലവനെ പരാജയപ്പെടുത്തിയത്. സ്കോര്‍: ലോക ഇലവന്‍ 158/6, ഹീറോസ് 159/6.
ടോസ് നേടി ബാറ്റിങ്ങിനിറങ്ങിയ ലോക ഇലവന്‍ മാത്യു ഹെയ്ഡന്‍െറയും (34) ജയവര്‍ധനയുടെയും (48) മികവിലാണ് 158 റണ്‍സെടുത്തത്. 159 റണ്‍സ് ലക്ഷ്യവുമായി ബാറ്റിങ്ങിനിറങ്ങിയ ഹീറോസിനുവേണ്ടി വീരേന്ദര്‍ സെവാഗും (30) ധോണിയുമാണ് (38) തിളങ്ങിയത്. 22 പന്തില്‍ നാലു ഫോറും ഒരു സിക്സുമടങ്ങുന്നതായിരുന്നു ധോണിയുടെ ഇന്നിങ്സ്.