തനിക്ക് നേരെ വാളോങ്ങി നില്‍ക്കുന്നവരുണ്ടെന്ന് ധോണി

ഇന്‍ഡോര്‍: മത്സരത്തില്‍ പിഴവ് വരുത്തിയാല്‍ തനിക്ക് നേരെ ചിലര്‍ വാളോങ്ങി നില്‍ക്കുന്നുണ്ടെന്ന് ഇന്ത്യന്‍ ക്രിക്കറ്റ് ടീം ക്യാപ്റ്റന്‍ എം.എസ് ധോണി. ഇന്‍ഡോറില്‍ ദക്ഷിണാഫ്രിക്കക്കെതിരായ രണ്ടാം ഏകദിനത്തിലെ വിജയത്തിന് ശേഷമാണ് ധോണി ഇക്കാര്യം പറഞ്ഞത്. തങ്ങളുടെ പിഴവുകളില്‍ ആനന്ദിക്കാനാണ് ചിലര്‍ക്കു താത്പര്യമെന്നും ധോണി പറഞ്ഞു.

ബാറ്റിങ് മെല്ളെപ്പോക്കിന് കടുത്ത വിമര്‍ശം നേരിട്ട നായകന്‍ മഹേന്ദ്ര സിങ് ധോണിയുടെ കരുത്തിലാണ് ഇന്‍ഡോര്‍ ഏകദിനത്തില്‍ ഇന്ത്യക്കു മികച്ച വിജയം സമ്മാനിച്ചത്. സ്റ്റംപിന് മുന്നിലും പിന്നിലും ടോസിലും തന്ത്രങ്ങളിലുമെല്ലാം ആ ‘ക്യാപ്റ്റന്‍ കൂള്‍ ടച്ച്’ തിരിച്ചുവന്നിരുന്നു.