അശ്വിന് പരിക്ക്; പകരം ഹര്‍ഭജന്‍

കാണ്‍പുര്‍: ഒന്നാം ഏകദിനത്തിനിടെ പരിക്കേറ്റ സ്പിന്നര്‍ ആര്‍. അശ്വിന് പകരം വെറ്ററന്‍ താരം ഹര്‍ഭജന്‍ സിങ് ഇന്ത്യന്‍ ടീമില്‍. പേശീവലിവുണ്ടായ അശ്വിന് 4.4 ഓവര്‍ മാത്രമാണ് ദക്ഷിണാഫ്രിക്കക്കെതിരെ ബൗള്‍ ചെയ്യാനായത്. വൈദ്യപരിശോധനകളുടെ  അടിസ്ഥാനത്തിലേ അശ്വിന് ഇനി എന്ന് കളിക്കാനാകും എന്നത് വ്യക്തമാകൂ.
ഇന്ത്യ തോറ്റ ട്വന്‍റി20 പരമ്പരയില്‍ മികച്ച പ്രകടനം നടത്തിയ ഒരേ ഒരു ബൗളറായ അശ്വിന്‍െറ അഭാവം മഹേന്ദ്ര സിങ് ധോണിക്കും സംഘത്തിനും തിരിച്ചടിയാകും. ട്വന്‍റി20 ടീമില്‍ ഹര്‍ഭജനുണ്ടായിരുന്നു. ഇന്ദോറില്‍ നടക്കുന്ന രണ്ടാം ഏകദിനത്തിനുമുമ്പ് താരം ടീമിനൊപ്പം ചേരും.