അണ്ടര്‍ 19 ത്രിരാഷ്ട്ര പരമ്പര:  ഇന്ത്യക്ക് കിരീടം

കൊളംബോ: ത്രിരാഷ്ട്ര ക്രിക്കറ്റ് ടൂര്‍ണമെന്‍റില്‍ ശ്രീലങ്കയെ അഞ്ച് വിക്കറ്റിന് തോല്‍പിച്ച് ഇന്ത്യക്ക് കിരീടം.  ബൗളര്‍മാരുടെ മികച്ച പ്രകടനമാണ് ഇന്ത്യക്ക് വിജയമൊരുക്കിയത്. ആദ്യം ബാറ്റ് ചെയ്ത ശ്രീലങ്ക 47.2 ഓവറില്‍ 158 റണ്‍സിന് പുറത്തായി. ജയം തേടിയിറങ്ങിയ ഇന്ത്യക്കായി  ഓപണര്‍മാരായ വാഷിങ്ടണ്‍ സുന്ദര്‍ (56), റിഷാഭ് പാന്ത് (35) എന്നിവര്‍ മികച്ച പ്രകടനം കാഴ്ചവെച്ചു. ഇരുവരും ഒന്നാം വിക്കറ്റില്‍ 89 റണ്‍സ് കൂട്ടിച്ചേര്‍ത്തു. എന്നാല്‍, അപ്രതീക്ഷിതമായി തകര്‍ച്ച നേരിട്ട ഇന്ത്യയെ 29 റണ്‍സ് നേടി പുറത്താകാതെനിന്ന റിക്കി ഭുവി വിജയത്തിലത്തെിച്ചു. ഇന്ത്യക്കുവേണ്ടി അവേശ് ഖാന്‍, ശുഭം മാവി, മായങ്ക് ദാഗര്‍ എന്നിവര്‍ രണ്ടു വിക്കറ്റ് വീതം വീഴ്ത്തി.