ഒന്നാം ടെസ്റ്റ്: ന്യൂസിലന്‍ഡിന് ജയം

ഡ്യുന്‍ഡിന്‍: ശ്രീലങ്കക്കെതിരായ ആദ്യ ക്രിക്കറ്റ് ടെസ്റ്റില്‍ ന്യൂസിലന്‍ഡിന് 122 റണ്‍സ് ജയം. അവസാനദിനം 405 റണ്‍സ് ലക്ഷ്യം പിന്തുടരുകയായിരുന്ന ശ്രീലങ്ക 282 റണ്‍സിന് പുറത്തായി. രണ്ട് മത്സരങ്ങളുടെ പരമ്പരയില്‍ ഇതോടെ ന്യൂസിലന്‍ഡ് 1-0ത്തിന്‍െറ ലീഡ് നേടി. സ്കോര്‍: ന്യൂസിലന്‍ഡ് 431, 267 & ശ്രീലങ്ക 294, 282.
അര്‍ധശതകവുമായി ദിനേശ് ചണ്ഡിമല്‍മാത്രമാണ് (58) അല്‍പമെങ്കിലും പൊരുതിയത്. ക്യാപ്റ്റന്‍ എയ്ഞ്ചലോ മാത്യൂസ് (25), കിതുരുവാന്‍ വിതനഗെ (38), മിലിന്ദ സിരിവര്‍ധന(29), ദുഷ്മന്ദ ചമീര (14), സുരംഗ ലക്മല്‍ (23)  എന്നിങ്ങനെയാണ് മറ്റ് സ്കോറര്‍മാര്‍. ആതിഥേയര്‍ക്കായി ടിം സൗത്തി മൂന്നു വിക്കറ്റുകള്‍ വീഴ്ത്തിയ.
ആദ്യ ഇന്നിങ്സില്‍ 156 റണ്‍സും രണ്ടാം ഇന്നിങ്സില്‍ 46 റണ്‍സുമെടുത്ത കിവീസ് ഓപണര്‍ മാര്‍ട്ടിന്‍ ഗുപ്റ്റിലാണ് കളിയിലെ കേമന്‍.
ഡിസംബര്‍ 18 മുതല്‍ ഹാമിള്‍ട്ടണിലാണ് രണ്ടാം ടെസ്റ്റ്.