ഫൈനല്‍ ലക്ഷ്യമിട്ട് ഇന്ത്യ ഇന്നിറങ്ങും

ചെന്നൈ: ത്രിരാഷ്ട്ര പരമ്പരയില്‍ ഫൈനലിലേക്ക് മുന്നേറാനുള്ള മാര്‍ഗംതേടി അവസാന ഗ്രൂപ് മത്സരത്തില്‍ ഇന്ത്യ എ ഇന്ന് ദക്ഷിണാഫ്രിക്ക എയെ നേരിടും. കളിച്ച മൂന്ന് മത്സരങ്ങളില്‍ രണ്ടെണ്ണത്തിലും ആസ്ട്രേലിയ എയോട് തോറ്റ ഇന്ത്യ, ഏകജയം നേടിയത് ദക്ഷിണാഫ്രിക്കക്കെതിരെയാണ്.

ഭക്ഷ്യവിഷബാധയെ തുടര്‍ന്ന് 10 താരങ്ങള്‍ ആശുപത്രിയിലായത് ദക്ഷിണാഫ്രിക്കയുടെ വീര്യം കുറച്ചിട്ടുണ്ട്. കളത്തിലേക്ക് തിരിച്ചെത്തിയ അവര്‍ ഓസീസിനോട് തോറ്റമ്പിയതിന് പിന്നാലെയാണ് ആതിഥേയരെ നേരിടുന്നത്. ഇതുവരെ ഒരു ജയംപോലും നേടാന്‍ അവര്‍ക്കായിട്ടില്ല. പോയന്‍റ് ടേബ്ളില്‍ രണ്ടാമത് നില്‍ക്കുന്ന ഇന്ത്യക്ക് ഫൈനലിലേക്ക് മുന്നേറാനുള്ള സാധ്യത കൂടുതലുണ്ടെങ്കിലും അവരുടെ ഫോം ആശാവഹമല്ല.