ഇന്ത്യ കളിക്കാന്‍ നിരസിച്ചാല്‍ മറ്റ് പദ്ധതികളുണ്ട്- പാക്‌ ബോര്‍ഡ്

കറാച്ചി: ഡിസംബറില്‍ യു.എ.ഇയില്‍ ദ്വിരാഷ്ട്ര പരമ്പര കളിക്കാന്‍ ഇന്ത്യ വിസ്സമ്മതിച്ചാല്‍ പകരം മറ്റ് മത്സരങ്ങള്‍ നടത്തായുള്ള പദ്ധതി ആലോചിച്ച് വരികയാണെന്ന് പാകിസ്താന്‍ ക്രിക്കറ്റ് ബോര്‍ഡ് (പി.സി.ബി) ചെയര്‍മാന്‍ ഷഹരിയാര്‍ ഖാന്‍. ഇപ്പോള്‍ അവയെക്കുറിച്ച് കൂടുതല്‍ പറയാനാകില്ളെന്നും ചില ബോര്‍ഡുകളുമായി സംസാരിച്ചതായും അദ്ദേഹം വ്യക്തമാക്കി. എങ്കിലും, ഇരുരാജ്യങ്ങളും തമ്മില്‍ നിലവിലുള്ള പ്രശ്നങ്ങള്‍ക്കിടയിലും പരമ്പര മുന്‍നിശ്ചയപ്രകാരം നടക്കുമെന്നാണ് താന്‍ പ്രതീക്ഷിക്കുന്നതെന്നും അദ്ദേഹം കൂട്ടിച്ചേര്‍ത്തു. ഇന്ത്യന്‍ അധികൃതരുമായും പാകിസ്താന്‍ സര്‍ക്കാറുമായും ഈ വിഷയത്തില്‍ ബന്ധപ്പെട്ട് വരികയാണെന്ന് പറഞ്ഞ ചെയര്‍മാന്‍, ഇന്ത്യയില്‍നിന്നുള്ള പ്രതികരണം പ്രോത്സാഹനജനകമല്ളെന്ന് സമ്മതിച്ചു.