വേൾഡ്​ ടൂർ ഫൈനൽസ്:​ സിന്ധുവിന്​ ആശ്വാസ ജയം

ഗ്വാങ്​ചോ: ​ബി.ഡബ്ല്യൂ.എഫ്​ വേൾഡ്​ ടൂർ ഫൈനൽസിൽ നിലവിലെ ജേതാവായ ഇന്ത്യയുടെ പി.വി സിന്ധുവിന്​ ആശ്വാസ ജയത്തോടെ മടക്കം. ഗ്രൂപ്​​ ‘എ’യിലെ ആദ്യ രണ്ട്​ മത്സരങ്ങളിലും തോറ്റതോടെ സെമി ഫൈനൽ നഷ്​ടപ്പെട്ട സിന്ധു, മൂന്നാം അങ്കത്തിൽ ചൈനയുടെ ഹി ബിങ്​ജിയാവോയെ നേരിട്ടുള്ള ഗെയിമിനാണ്​ വീഴ്​ത്തിയത്​. സ്​കോർ 21-19, 21-19.

ആദ്യ ഗെയിമിൽ 9-18ന്​ പിന്നിൽ നിന്നശേഷം ഉജ്ജ്വലമായി തിരിച്ചുവന്ന സിന്ധു, തുടർച്ചയായി പോയൻറുകൾ വാരിക്കൂട്ടി ഗെയിം പിടിച്ചു. ലോങ്​ റാലികളും അറ്റാക്കിങ്​ ഷോട്ടുകളുമായി കളംവാണ സിന്ധു തുടർച്ചയായി ഒമ്പത്​ പോയൻറ്​ വാരിക്കൂട്ടി 18-18ലെത്തി. പിന്നാലെയാണ്​ ഒന്നാം ഗെയിം 21-19ന്​ സ്വന്തമാക്കിയത്​.

ആദ്യ ഗെയിമിലെ തിരിച്ചുവരവി​​െൻറ താളം രണ്ടാം ഗെയിമിലും നിലനിർത്തിയതോടെ സിന്ധു ലീഡ്​ കൈവിടാതെ കുതിച്ചു. 7-3ന്​ തുടങ്ങിയ മുന്നേറ്റം, 11-6ലും, പിന്നീട്​, 15-10ലുമെത്തിച്ചാണ്​ ഫിനിഷ്​ ചെയ്​തത്​. ഇടക്ക്​ ഒന്നു പിന്നിലായെങ്കിലും സിന്ധു അനായാസം ഗെയിം ജയിച്ചു.
വനിതാ സിംഗ്​ൾസിൽ ചെൻ യുഫി, അകാനെ യമഗുച്ചി, നൊസോമി ഒകുഹാര, തായ്​ സു യിങ്​ എന്നിവർ സെമിയിൽ കടന്നു. പുരുഷ സിംഗ്​ൾസിൽ കെ​േൻറാ മൊമോട്ട, വാങ്​ സുവി, ജിൻടിങ്​, ചെൻ ലോങ്​ എന്നിവരും സെമിയിൽ കടന്നു.