Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightSportschevron_rightOther Gameschevron_rightBadmintonchevron_rightലോക ബാഡ്​മിൻറൺ...

ലോക ബാഡ്​മിൻറൺ ചാമ്പ്യൻഷിപ്പ്​: പി.വി. സിന്ധു ഫൈനലിൽ

text_fields
bookmark_border
ലോക ബാഡ്​മിൻറൺ ചാമ്പ്യൻഷിപ്പ്​: പി.വി. സിന്ധു ഫൈനലിൽ
cancel

നാൻജിങ്: ചൈനയിലെ നാൻജിങിൽ നടക്കുന്ന ലോക ബാഡ്്​മിൻറൺ ചാമ്പ്യൻഷിപ്പിൽ ഇന്ത്യൻ താരം പി.വി. സിന്ധു ഫൈനലിലെത്തി. ജപ്പാ​​െൻറ ലോക രണ്ടാം നമ്പർ താരം അകാനെ യമഗുച്ചിയെ നേരിട്ടുള്ള രണ്ട്​ ഗെയിമുകൾക്ക്​ പരാജയപ്പെടുത്തിയാണ്​ സിന്ധു ഫൈനൽ യോഗ്യത നേടിയത്​. സ്​കോർ: 21-16, 24-22.

ചാമ്പ്യൻഷിപ്പിൽ അവശേഷിക്കുന്ന ഏക ഇന്ത്യൻ താരമാണ്​ സിന്ധു. രണ്ടു ഗെയിമുകളിലും പോയിൻറു നിലയിൽ പിന്നിൽ നിന്ന സിന്ധു ആവേശകരമായ കുതിപ്പോടു കൂടിയാണ്​ രണ്ടു ഗെയിമുകളിലും വിജയം കൈവരിച്ചത്​. ഫൈനലിൽ സ്പെയിനി​െൻറ കരോലിന മാരിനുമായാണ്​ സിന്ധു ഏറ്റു മുട്ടുക. 

2016ലെ റിയോ ഒളിമ്പിക്​സിൽ ഫൈനലിൽ തന്നെ പരാജയപ്പെടുത്തിയ കരോലിനയോടുള്ള മധുര പ്രതികാരത്തിനുള്ള അവസരം കൂടിയാണ്​ സിന്ധുവിനു ലഭിച്ചിരിക്കുന്നത്​. അതിനാൽ തന്നെ മത്സരം തീ പാറുമെന്നു തന്നെയാണ്​ കായികാസ്വാദകർ കരുതുന്നത്​.

ക്വാർട്ടർ പോരാട്ടത്തിൽ കരോലിന മാരിനോട് തോറ്റ് ഇന്ത്യൻ പ്രതീക്ഷയായ സൈന നൈഹ്വാൾ പുറത്തായിരുന്നു. 31 മിനിറ്റ് മാത്രം നീണ്ട മത്സരത്തിൽ 21-6, 21-11 എന്ന സ്കോറിനായിരുന്നു സൈന പുറത്തായത്. തുടർച്ചയായി എട്ടാം തവണയാണ് സൈന ലോക ബാഡ്മിൻറൺ ചാമ്പ്യൻഷിപ്പിൻെറ ക്വാർട്ടർ ഫൈനലിൽ കടന്നത്. ഈ നേട്ടം കൈവരിക്കുന്ന ആദ്യത്തെ വനിതതാരമായിരുന്നു അവർ.

പു​രു​ഷ സിം​ഗ്​​ൾ​സി​ൽ കി​ഡം​ബി ശ്രീ​കാ​ന്ത്​ അ​വ​സാ​ന എ​ട്ടി​ലെ​ത്താ​തെ പു​റ​ത്താ​യിരുന്നു. അ​ഞ്ചാം സീ​ഡാ​യ ശ്രീ​കാ​ന്ത്​ ലോ​ക 39ാം ന​മ്പ​റാ​യ മ​ലേ​ഷ്യ​യു​ടെ ഡാ​ര​ൻ ലി​യു​വി​നോ​ടാ​ണ്​ നേ​രി​ട്ടു​ള്ള സെ​റ്റു​ക​ളി​ൽ കീ​ഴ​ട​ങ്ങി​യ​ത്.

Show Full Article
TAGS:World Badminton Championship pv sindhu final Akane Yamaguchi sports news malayalam news 
Next Story