Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightSportschevron_rightOther Gameschevron_rightBadmintonchevron_rightസിന്ധു, ശ്രീകാന്ത്​...

സിന്ധു, ശ്രീകാന്ത്​ പ്രീക്വാർട്ടറിൽ;​ പ്രണോയ്​ പുറത്ത്​

text_fields
bookmark_border
സിന്ധു, ശ്രീകാന്ത്​ പ്രീക്വാർട്ടറിൽ;​ പ്രണോയ്​ പുറത്ത്​
cancel

നാൻജിയാങ്​: കഴിഞ്ഞ മൂന്നുതവണ നഷ്​ടമായ കിരീടം ചൂടാനെത്തിയ പി.വി. സിന്ധുവിന്​ ലോക ബാഡ്​മിൻറൺ ചാമ്പ്യൻഷിപ്പിൽ സ്വപ്​നത്തുടക്കം. രണ്ടാം റൗണ്ടിലേക്ക്​ നേരിട്ട്​ എൻട്രി നേടിയെത്തിയ സിന്ധു ആദ്യ അങ്കത്തിൽ ഇന്തോനേഷ്യക്കാരി ഫിട്രിയാനിയെ വീഴ്​ത്തി പ്രീക്വാർട്ടറിലെത്തി.

കെ. ശ്രീകാന്ത്​, സായ്​ പ്രണീത്​ എന്നിവരും രണ്ടാം റൗണ്ട്​ കടന്ന്​ മുന്നേറി. അതേസമയം, പുരുഷ റാങ്കിങ്ങിൽ 11ാമതുള്ള മലയാളിതാരം എച്ച്​.എസ്​. പ്രണോയ്​ സീഡില്ലാതാരം ബ്രസീലി​​െൻറ യഗർ കൊയ്​ലോ ഒലിവിയേരയോട്​ അട്ടിമറി തോൽവി വഴങ്ങി പുറത്തായി. പ്രതീക്ഷകളോടെ ലോക പോരാട്ടത്തിനിറങ്ങിയ പ്രണോയ്​ ആദ്യ ഗെയിം ജയിച്ചശേഷം തുടർച്ചയായി രണ്ടു ഗെയിമും കീഴടങ്ങിയാണ്​ പുറത്തായത്​.

കഴിഞ്ഞതവണ വെള്ളി നേടിയ സിന്ധു, 21-14, 21-9 സ്​കോറിനാണ്​ ഫിട്രിയാനിയെ തോൽപിച്ചത്​. പ്രീക്വാർട്ടറിൽ കൊറിയയുടെ ഒമ്പതാം റാങ്കുകാരി സങ്​ ജി യുൻ ആണ്​ എതിരാളി. തുടക്കം മുതൽ ആക്രമിച്ചുകളിച്ച സിന്ധു കോർട്ടി​നെ പൂർണമായും വരുതിയിലാക്കിയപ്പോൾ, എതിരാളി തീർത്തും നിഷ്​പ്രഭമായി. ഒരുഘട്ടത്തിൽപോലും ഇന്തോനേഷ്യൻ താരത്തിന്​ വെല്ലുവിളി ഉയർത്താനേ കഴിഞ്ഞില്ല. 

തുടർച്ചയായി രണ്ടാം ദിവസവും ജയം തുടർന്നാണ്​ കെ. ശ്രീകാന്തി​​െൻറ പ്രീക്വാർട്ടർ പ്രവേശനം. സ്​പെയിനി​​െൻറ പാ​േബ്ലാ അബിയാനെ (21-15, 12-21, 21-14) മൂന്ന്​ ഗെയിം നീണ്ട മത്സരത്തിലാണ്​ കീഴടക്കിയത്​. മലേഷ്യയുടെ ല്യൂ ഡാരനാണ്​ അടുത്ത എതിരാളി. സായ്​ പ്രണീത്​ നേരിട്ടുള്ള ഗെയിമിന്​ സ്​പെയിനി​​െൻറ തന്നെ ലൂയി എൻറിക്വെ പെനൽവറിനെ തോൽപിച്ച്​ (21-18, 21-11) പ്രീക്വാർട്ടറിലെത്തി. ഡെന്മാർക്കി​​െൻറ ഹാൻസ്​ ക്രിസ്​റ്റ്യൻ വിറ്റിങ്​ഹസാണ്​ അടുത്ത എതിരാളി. മറ്റൊരു ഇന്ത്യൻ താരമായ സമീർ വർമ മുൻ ലോക-ഒളിമ്പിക്​സ്​ ചാമ്പ്യൻ ലിൻഡാനു മുന്നിൽ നേരിട്ടുള്ള ഗെയിമിന്​കീഴടങ്ങി. സ്​കോർ 17-21, 14-21. 

ഡബ്​ൾസിൽ ഇന്ത്യൻ പ്രതീക്ഷകളെല്ലാം അവസാനിച്ചു. കോമൺവെൽത്ത്​​ ഗെയിംസ്​ വെള്ളിമെഡൽ ടീമായ സായ്​രാജ്​ റാങ്കിറെഡ്​ഡി-ചിരാഗ്​ ഷെട്ടി സഖ്യം, അശ്വിനി പൊന്നപ്പ-എൻ.എസ്.​ റെഡ്​ഡി സഖ്യവും രണ്ടാം റൗണ്ടിൽ പുറത്തായി. മിക്​സഡ്​ ഡബ്​ൾസിൽ റാങ്കിറെഡ്​ഡി-പൊന്നപ്പ കൂട്ട്​ പ്രീക്വാർട്ടറിൽ കടന്നു. 
 

Show Full Article
TAGS:World Badminton Championship badminton sports news malayalam news 
Next Story