മ​ലേ​ഷ്യ ഒാ​പ​ൺ: ശ്രീകാന്തും പുറത്ത്

ക്വാ​ലാ​ലം​പു​ർ: മ​ലേ​ഷ്യ ഒാ​പ​ൺ ബാ​ഡ്​​മി​ൻ​റ​ണി​ൽ ഇ​ന്ത്യ​ൻ പ്ര​തീ​ക്ഷ​യാ​യ ശ്രീ​കാ​ന്ത്​ ക്വാ​ർ​ട്ട​റ ി​ൽ തോ​റ്റ്​ പു​റ​ത്ത്. ഒ​ളി​മ്പി​ക്​ ചാ​മ്പ്യ​നാ​യ ചൈ​ന​യു​ടെ ചെ​ൻ​ലോ​ങ്ങി​നോ​ടാ​ണ്​ നേ​രി​ട്ടു​ള്ള സെ ​റ്റു​ക​ളി​ൽ ശ്രീ​കാ​ന്ത്​ വീ​ണ​ത്​- സ്​​കോ​ർ 18-21, 19-21. അ​ടു​ത്തി​ടെ ഇ​ന്ത്യ ഒാ​പ​ണി​ൽ മി​ന്നും​പ്ര​ക​ട​ന​വു​ മാ​യി ഫൈ​ന​ൽ​വ​രെ​യെ​ത്തി​യ ശ്രീ​കാ​ന്ത്​ ഇ​ന്ന​ലെ ഇ​രു സെ​റ്റു​ക​ളി​ലും മോ​ശ​മ​ല്ലാ​തെ പൊ​രു​തി​യി​ട്ടും​ തോ​ൽ​വി വ​ഴ​ങ്ങു​ക​യാ​യി​രു​ന്നു.

ആ​ദ്യ സെ​റ്റ്​ 16-11ന്​ ​മു​ന്നി​ൽ​നി​ന്ന​ശേ​ഷം തു​ട​രെ പോ​യ​ൻ​റു​ക​ൾ ന​ഷ്​​ട​പ്പെ​ടു​ത്തി​ 18-21ന്​ ​കൈ​വി​​െ​ട്ട​ങ്കി​ൽ ര​ണ്ടാം​സെ​റ്റി​ൽ ജ​യ​ത്തി​ന​രി​കെ​നി​ന്നാ​ണ്​ ഒ​ടു​വി​ൽ ക​ല​മു​ട​ച്ച​ത്. തു​ട​ക്കം​പാ​ളി​​​യ ര​ണ്ടാം സെ​റ്റി​ൽ 7-11ന്​ ​പി​ന്നി​ൽ​നി​ൽ​ക്കെ ഉ​ജ്ജ്വ​ല​മാ​യി തി​രി​ച്ച​ടി​ച്ച്​ ഒ​പ്പം പി​ടി​ച്ച ശ്രീ​കാ​ന്ത്, 19-19 വ​രെ കൊ​ണ്ടും കൊ​ടു​ത്തും ​പൊ​രു​തി.

ഒ​ടു​വി​ൽ ചെ​ൻ​ലോ​ങ്​ സെ​റ്റും ക​ളി​യും പി​ടി​ക്കു​ക​യാ​യി​രു​ന്നു. 2017ൽ ​ആ​സ്​​ട്രേ​ലി​യ​ൻ ഒാ​പ​ണി​െ​ലാ​ഴി​കെ അ​വ​സാ​ന​മാ​യി മു​ഖാ​മു​ഖം നി​ന്ന അ​ഞ്ചി​ൽ നാ​ലും ജ​യി​ച്ച ആ​ത്മ​വി​ശ്വാ​സ​വു​മാ​യാ​ണ്​ ഇ​ന്ന​ലെ ഇ​ന്ത്യ​ൻ സൂ​പ്പ​ർ​താ​രം ഇ​റ​ങ്ങി​യി​രു​ന്ന​ത്. ആ​ക്ര​മ​ണ​ത്തെ​ക്കാ​ൾ പ്ര​തി​രോ​ധ​ത്തി​ന്​ പ്രാ​ധാ​ന്യം ന​ൽ​കി അ​നാ​യാ​സ​മാ​യി റാ​ക്ക​റ്റേ​ന്തി​യ ചൈ​നീ​സ്​ താ​ര​ത്തി​നു മു​ന്നി​ൽ അ​ട​വു​ക​ൾ ഒ​ന്നൊ​ഴി​യാ​തെ പ​രാ​ജ​യ​പ്പെ​ട്ടാ​ണ്​ എ​ട്ടാം സീ​ഡാ​യ ശ്രീ​കാ​ന്ത്​ തോ​ൽ​വി ചോ​ദി​ച്ചു​വാ​ങ്ങി​യ​ത്. പി.​വി. സി​ന്ധു ക​ഴി​ഞ്ഞ​ദി​വ​സം തോ​റ്റു​പു​റ​ത്താ​യി​രു​ന്നു. ഇ​തോ​ടെ, മ​ലേ​ഷ്യ ഒാ​പ​ണി​ൽ ഇ​ന്ത്യ​ൻ പ്ര​തീ​ക്ഷ​ക​ൾ അ​വ​സാ​നി​ച്ചു.