ഡെ​ന്മാ​ർ​ക്​ ഒാ​പ​ൺ: സി​ന്ധു പു​റ​ത്ത്​; സൈ​ന മു​ന്നോ​ട്ട്​

ഒ​ഡ​ൻ​സെ: ലോ​ക മൂ​ന്നാം ന​മ്പ​റു​കാ​രി​യാ​യ പി.​വി. സി​ന്ധു​വി​​െൻറ ആ​ദ്യ റൗ​ണ്ടി​ലെ തോ​ൽ​വി​യു​ടെ സ​ങ്ക​ടം ഉ​ജ്ജ്വ​ല ജ​യ​ത്തി​ലൂ​ടെ ക​ഴു​കി​ക്ക​ള​ഞ്ഞ്​ സൈ​ന നെ​ഹ്​​വാ​ളി​​െൻറ കു​തി​പ്പ്. ഡെ​ന്മാ​ർ​ക്​ ഒാ​പ​ൺ ബാ​ഡ്​​മി​ൻ​റ​ൺ വ​നി​ത സിം​ഗ്​​ൾ​സി​ൽ സി​ന്ധു​വി​നെ അ​മേ​രി​ക്ക​ൻ താ​രം ബെ​യ്​​വെ​ൻ ഴാ​ങ്ങാ​ണ്​ ഒ​ന്നാം റൗ​ണ്ടി​ൽ അ​ട്ടി​മ​റി​ച്ച​ത്. തൊ​ട്ടു​പി​ന്നാ​ലെ സൈ​ന, ഹോ​േ​ങ്കാ​ങ്ങി​​െൻറ എ​ൻ​ഗാ​ൻ യി ​ചു​ങ്ങി​നെ 20-22, 21-17, 24-22 എ​ന്ന സ്​​കോ​റി​ന്​ വീ​ഴ്​​ത്തി ര​ണ്ടാം റൗ​ണ്ടി​ൽ ക​ട​ന്നു. ഇൗ ​വ​ർ​ഷം ര​ണ്ടാം ത​വ​ണ സി​ന്ധു​വു​മാ​യി ഏ​റ്റു​മു​ട്ടി​യ 10ാം റാ​ങ്കു​കാ​രി ബെ​യ്​​വാ​ൻ 21-17, 16-21, 21-18 സ്​​കോ​റി​നാ​ണ്​ ടോ​പ്​ സീ​ഡു​കാ​രി​യെ അ​ട്ടി​മ​റി​ച്ച​ത്.

സി​ന്ധു​വി​​െൻറ തോ​ൽ​വി​യു​ടെ ഷോ​ക്കി​ലാ​യ ഇ​ന്ത്യ​ൻ ക്യാ​മ്പി​​െൻറ പ്ര​തീ​ക്ഷ​ക​ളെ​ല്ലാം പി​ന്നീ​ട്​ സൈ​ന നെ​ഹ്​​വാ​ളി​ലാ​യി. റാ​ങ്കി​ങ്ങി​ൽ ഏ​റെ പി​ന്നി​ലു​ള്ള ഹോ​േ​ങ്കാ​ങ്ങി​​െൻറ എ​ൻ​ഗാ​ൻ യി ​ചു​ങ്ങാ​യി​രു​ന്നു 11ാം ന​മ്പ​റു​കാ​രി​യാ​യ സൈ​ന​യു​ടെ എ​തി​രാ​ളി. ക​ളി തു​ട​ങ്ങി​യ​പ്പോ​ൾ റാ​ങ്കി​ലെ വ്യ​ത്യാ​സ​മൊ​ന്നും ക​ള​ത്തി​ൽ ക​ണ്ടി​ല്ല. സൈ​ന​യെ വി​റ​പ്പി​ച്ച താ​രം ആ​ദ്യ ഗെ​യി​മി​ൽ ത​ന്നെ മു​ന്നേ​റ്റം തു​ട​ങ്ങി. വ്യ​ക്ത​മാ​യ ലീ​ഡോ​ടെ കു​തി​ച്ച ഹോ​േ​ങ്കാ​ങ്ങു​കാ​രി​ക്കെ​തി​രെ പ​രി​ച​യ​സ​മ്പ​ത്തി​​​നെ​ പോ​യ​ൻ​റാ​ക്കി​മാ​റ്റി സൈ​ന തി​രി​ച്ചു​വ​ന്നു. ഇ​ഞ്ചോ​ടി​ഞ്ചാ​യി മാ​റി​യ ഒ​ന്നാം ഗെ​യിം​ ടൈ​ബ്രേ​ക്ക​റി​ലേ​ക്ക്​ നീ​ങ്ങി​യെ​ങ്കി​ലും സൈ​ന​യു​ടെ അ​നാ​വ​ശ്യ​മാ​യ പി​ഴ​വി​ൽ ക​ളി വ​ഴു​തി​പ്പോ​യി (20-22). തു​ട​ർ​ന്നു​ള്ള ര​ണ്ടു​ ഗെ​യി​മി​ലും സൈ​ന ത​ക​ർ​ത്തു​ക​ളി​ച്ചു.

ര​ണ്ടാം ഗെ​യി​മി​ൽ തു​ട​ക്ക​ത്തി​ലേ ലീ​ഡ്​ പി​ടി​ച്ച സൈ​ന വ്യ​ക്ത​മാ​യ മു​ൻ​തൂ​ക്ക​ത്തോ​ടെ എ​തി​രാ​ളി​യെ പി​ന്നി​ലാ​ക്കി. നാ​ലു​ പോ​യ​ൻ​റ്​ വ്യ​ത്യാ​സ​ത്തി​ൽ ത​ന്നെ ലീ​ഡ്​ നി​ല​നി​ർ​ത്തി​യ ഇ​ന്ത്യ​ക്കാ​രി 21-17 സ്​​കോ​റി​ന്​ ഒ​പ്പ​മെ​ത്തി. ഇ​തോ​ടെ, മൂ​ന്നാം ഗെ​യിം നി​ർ​ണാ​യ​ക​മാ​യി. 10-7ന്​ ​സൈ​ന​യാ​ണ്​ കു​തി​ച്ച​ത്. എ​ന്നാ​ൽ, ദൈ​ർ​ഘ്യ​മേ​റി​യ റാ​ലി​ക​ളി​ലും സ​ർ​വ്​​ലൈ​നി​ലെ ട്രാ​പ്​ ഷോ​ട്ടു​ക​ളി​ലും സൈ​ന​യെ അ​ടി​തെ​റ്റി​ച്ച്​ ഹോ​േ​ങ്കാ​ങ്ങു​കാ​രി തി​രി​ച്ചു​വ​ന്നു. ഒ​പ്പ​ത്തി​നൊ​പ്പ​മാ​യി​രു​ന്നു മു​ന്നേ​റ്റം.

19-19ൽ​നി​ന്ന്​ ടൈ​ബ്രേ​ക്ക​റി​ലേ​ക്ക്​ വ​ഴു​തി. വി​ജ​യം മാ​റി​മ​റി​ഞ്ഞ നി​മി​ഷ​ങ്ങ​ൾ. ഒ​ടു​വി​ൽ എ​തി​രാ​ളി​യു​ടെ ര​ണ്ടു തു​ട​ർ​പി​ഴ​വു​ക​ളി​ൽ സൈ​ന വി​ജ​യം വ​രി​ച്ചു (24-22). ര​ണ്ടാം റൗ​ണ്ടി​ൽ ലോ​ക ര​ണ്ടാം ന​മ്പ​ർ താ​രം ജ​പ്പാ​​െൻറ അ​കാ​നെ യ​മാ​ഗു​ച്ചി​യാ​ണ്​ സൈ​ന​യു​ടെ എ​തി​രാ​ളി. സ്​​പാ​നി​ഷ്​ താ​രം ​ബീ​ട്രി​സ്​ കൊ​റാ​ല​സി​നെ തോ​ൽ​പി​ച്ചാ​ണ്​ യ​മാ​ഗു​ച്ചി​യു​ടെ കു​തി​പ്പ്. പു​രു​ഷ സിം​ഗ്​​ൾ​സി​ൽ കെ. ​ശ്രീ​കാ​ന്ത്, സ​മീ​ർ വ​ർ​മ, ​ബി. ​സാ​യ്​ പ്ര​ണീ​ത്​ എ​ന്നി​വ​ർ മ​ത്സ​രി​ക്കു​ന്നു​ണ്ട്.