ഏഷ്യൻ ബാഡ്മിൻറൺ: സൈന, പ്രണോയ് സെമിയിൽ
text_fieldsവുഹാൻ: ഏഷ്യൻ ബാഡ്മിൻറൺ ചാമ്പ്യൻഷിപ്പിൽ സൈന നെഹ്വാളും എച്ച്.എസ് പ്രണോയും സെമിയിൽ. കിഡംബി ശ്രീകാന്തും പി.വി. സിന്ധുവും ക്വാർട്ടറിൽ ഇടറിവീണു. വെറും 43 മിനിറ്റുകൊണ്ടാണ് സൈന ദക്ഷിണ കൊറിയയുടെ സീഡില്ലാ താരമായ ലീ ജാങ് മിയെ 21-15, 21-13ന് തോൽപിച്ച് അവസാന നാലിൽ ഇടംപിടിച്ചത്.
ലോക 10ാം നമ്പറായ മലയാളി താരം പ്രണോയ് രണ്ടാം സീഡായ കൊറിയയുടെ സുൻ വാൻ ഹോയെയാണ് തോൽപിച്ചത്. സ്കോർ: 18-21, 23-21, 21-12. ഒളിമ്പിക് ചാമ്പ്യനും മൂന്നാം സീഡുമായ ചെൻ ലോങ് ആണ് പ്രണോയിയുടെ സെമി എതിരാളി.
ടോപ് സീഡായ ശ്രീകാന്ത് 21-12, 21-15 എന്ന സ്കോറിന് മലേഷ്യയുടെ ഇതിഹാസതാരം ലീ ചോങ് വൈയോട് വെറും 31 മിനിറ്റുകൾക്കകം പരാജയം സമ്മതിച്ചു. കൊറിയയുടെ ഏഴാം സീഡ് സുങ് ജി ഹ്യൂനിനോട് 21-19, 21-10 എന്ന സ്കോറിനായിരുന്നു സിന്ധു അടിയറവ് പറഞ്ഞത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.