റഷ്യന്‍ ഓപണ്‍: ശിവാനി, സിറില്‍ സെമിയില്‍

മോസ്കോ: റഷ്യന്‍ ഓപണ്‍ ബാഡ്മിന്‍റണില്‍ ഇന്ത്യയുടെ ഋത്വിക ശിവാനി, സിറില്‍ വര്‍മ എന്നിവര്‍ സെമിയില്‍ കടന്നു. വനിതാ സിംഗ്ള്‍സില്‍ നാലാം സീഡ് ഋത്വിക റഷ്യയുടെ യെലേന കൊമന്‍ഡ്രോവ്സ്കയെ 13-21, 21-10, 21-17 സ്കോറിന് വീഴ്ത്തിയാണ് മുന്നേറിയത്.
സെമിയില്‍ സെനിയ പൊളികര്‍പോവാണ് എതിരാളി. പുരുഷ സിംഗ്ള്‍സില്‍ മലേഷ്യയുടെ സുല്‍ഹെമി സുകിഫിയെ തോല്‍പിച്ചാണ് സിറില്‍ മുന്നേറിയത്. സ്കോര്‍ 21-12, 21-18. മിക്സഡ് ഡബ്ള്‍സില്‍ സിക്കി റെഡ്ഡി-പ്രണവ് ജെറി ചോപ്ര കൂട്ടും സെമിയില്‍ കടന്നു.