മലേഷ്യ ഓപണ്‍: സൈന സെമിയില്‍ പുറത്ത്

ഷാ ആലം: ഇന്ത്യയുടെ സൈന നെഹ്വാള്‍ മലേഷ്യ ഓപണ്‍ സൂപ്പര്‍ സീരീസ് ബാഡ്മിന്‍റണ്‍ സെമിയില്‍ പുറത്ത്. വനിതാ സിംഗ്ള്‍സില്‍  ചൈനീസ് തായ്പേയിയുടെ തായ് സു യിങ്ങിനോട് തോറ്റാണ് സൈന ഫൈനല്‍ കാണാതെ പുറത്തായത്. സ്കോര്‍: 19-21, 13-21.  കരിയറില്‍ തായ് സു യിങ്ങിനെതിരെയുള്ള സൈനയുടെ ഏഴാം തോല്‍വിയാണിത്. പന്ത്രണ്ട് പ്രാവശ്യമാണ് ഇരുവരും തമ്മില്‍ ഏറ്റുമുട്ടിയിട്ടുള്ളത്.
മാത്രമല്ല സ്വിസ് ഓപണ്‍ ഗ്രാന്‍റ്പ്രീ, ഇന്ത്യ സൂപ്പര്‍ സീരീസ് എന്നീ ടൂര്‍ണമെന്‍റുകള്‍ക്ക് ശേഷം തുടര്‍ച്ചയായ മൂന്നാം തവണയാണ് സെമിയിലെ സൈനയുടെ തോല്‍വി.