ശീതകാല ഒളിമ്പിക്​സ്​; ആദ്യ സ്വർണം സ്വീഡന്​

പ്യോങ്​യാങ്​: ദക്ഷിണ കൊറിയയിൽ നടക്കുന്ന ശീതകാല ഒളിമ്പിക്​സിന്​ സ്വീഡിഷ്​ സ്വർണവേട്ടയോടെ തുടക്കം. വനിത സ്​കിയാതൺ ​ക്രോസ്​ കൺട്രിയിൽ സ്വീഡ​​െൻറ ചാർലോ​െട്ട കല്ലയാണ്​ ആദ്യ സ്വർണമെഡൽ നേടിയത്​. തുടർച്ചയായ മൂന്നാം സ്വർണവും ലക്ഷ്യമി​െട്ടത്തിയ നോർവെയുടെ മാരിറ്റ്​ ബോർജനിനെ തോൽപിച്ചാണ്​ കല്ലയുടെ കുതിപ്പ്​. മാരിറ്റ്​ ബോർജൻ രണ്ടാം സ്​ഥാനംകൊണ്ട്​ തൃപ്​തിപ്പെടേണ്ടിവന്നപ്പോൾ, ഫിൻലൻഡി​​െൻറ ക്രിസ്​റ്റ പർമകോസ്​കി വെങ്കലം നേടി. ശീതകാല ഒളിമ്പിക്​സ്​ ചരിത്രത്തിൽ ഏറ്റവും കൂടുതൽ മെഡലുകൾ (11) നേടിയ താരമാണ്​ മാരിറ്റ്​. 

സ്വീഡനു​ പുറമെ ആദ്യദിനം ജർമനി, കൊറിയ നെതർലൻഡ്​സ്​ എന്നിവരും സ്വർണം നേടി. 3000 മീറ്റർ വനിത വിഭാഗം സ്​പീഡ്​ സ്​കേറ്റിങ്ങിൽ നെതർലൻഡ്​സ്​ മെഡലുകൾ തൂത്തുവാരി. കാർലിൻ സ്വർണം നേടിയപ്പോൾ നാട്ടുകാരായ ​െഎറീൻ വസ്​റ്റ്​ വെള്ളിയും ഡി ജോങ്​ വെങ്കലവും സ്വന്തമാക്കി. പുരുഷവിഭാഗം 1500 മീറ്റർ ഷോർട്ട്​ ട്രാക്​​ സ്പീഡ്​ സ്​കേറ്റിങ്ങിൽ കൊറിയയുടെ ലിം ഹോജുൻ സ്വർണവും നെതർലൻഡ്​സി​​െൻറ ജിൻകി നെറ്റ്​ വെള്ളിയും നേടി. വനിത വിഭാഗം ബിയാതലണിലാണ്​ ജർമനി മെഡൽ വേട്ട തുടങ്ങിയത്​. 7.5 കിലോമീറ്റർ സ്​പ്രിൻറിൽ ജർമൻ താരം ലോറ ഡാൽമീർ പൊന്നണിഞ്ഞു.