പരി​ക്കേറ്റ ഒളിമ്പ്യന്​ അവഗണന; തിരിഞ്ഞുനോക്കാതെ സംസ്ഥാന സ്​പോർട്​​സ്​ കൗൺസിൽ

കോട്ടയം: കാൽമുട്ടിന് പരിക്കേറ്റ്​ ചികിത്സയിലുള്ള ദേശീയ ട്രിപ്പിൾ ജമ്പ് താരം ഒളിമ്പ്യൻ രഞ്ജിത് മഹേശ്വരിക്ക് അധികൃതരു​െട അവഗണന. ഫെഡറേഷൻ കപ്പ് മത്സരത്തിനിടെ പരിക്കേറ്റ രഞ്​ജിത്ത്​ ശസ്​ത്രക്രിയക്കുശേഷം കോട്ടയം ചാന്നാനിക്കാട്ടുള്ള വീട്ടിൽ വിശ്രമത്തിലാണ്​. എന്നാൽ, ചികിത്സവിവരം തിരക്കാൻപോലും സായ്​, സംസ്ഥാന സ്​പോർട്​​സ്​ കൗൺസിൽ അധികൃതർ തയാറായിട്ടില്ല. 

ലക്ഷങ്ങൾ ചെലവിട്ട്​ സ്വന്തം നിലയിലാണ്​ ചികിത്സ. ശസ്​ത്രക്രിയക്ക്​ മാത്രം മൂന്നരലക്ഷം രൂപ ചെലവായെന്നും കായിക ഏജൻസികളൊന്നും സാമ്പത്തികമായി സഹായിച്ചില്ലെന്നും രഞ്ജിത്  മഹേശ്വരി പറയുന്നു. ഫോൺ വിളിച്ച്​ അന്വേഷിക്കാൻപോലും സ്​പോർട്​സ്​ കൗൺസിൽ ഭാരവാഹികൾ തയാറായി​ല്ല. മെഡലിനായി മുറവിളി ഉയർത്തു​േമ്പാഴും സ്​പോർട്​സ്​ കൗൺസിൽ ഭാരവാഹികൾ കായികതാരങ്ങളുടെ വീഴ്​ചയിൽ തിരിഞ്ഞ്​ നോക്കാറില്ലെന്ന്​ രഞ്​ജിത്ത്​ കുറ്റപ്പെടുത്തി.

കോമൺ​െവൽത്ത്​ ഗെയിസിന്​ യോഗ്യത നേടാനുള്ള ശ്രമത്തിനിടെ ഫെഡറേഷൻ കപ്പിൽ 16.51 മീറ്റർ ചാടി ഒന്നാമത്​ നിൽക്കെയാണ് കാൽമുട്ടിന് പരിക്കേറ്റത്​. മാംസപേശികളെ മുട്ടുചിരട്ടയുമായി ബന്ധിപ്പിക്കുന്ന ഭാഗത്തെ ഞരമ്പുകൾക്കടക്കം പരിക്ക് പറ്റി. ഇടതുകൈയിലെ ചൂണ്ടുവിരൽ ഉളുക്കി. ഉടൻ പാട്യാലയിൽനിന്ന്​ ഡൽഹി അൻറ്​ലാൻഡ മെഡിവേൾഡ് ആശുപത്രിയിൽ എത്തിച്ച്​ ശസ്​ത്രക്രിയ നടത്തി. ഇതിനുശേഷം രണ്ടാഴ്​ചയായി കോട്ടയം ചാന്നാനിക്കാട് പടിഞ്ഞാറെകരോട്ട് വീട്ടിൽ വിശ്രമത്തിലാണ്. ആറാഴ്ച പൂർണ വിശ്രമമാണ് ഡോക്ടർമാർ നിർദേശിച്ചിരിക്കുന്നത്. തുടർന്ന്​ ചെ​െന്നെയിൽ ഫിസിയോതെറപ്പി അടക്കം ചികിത്സകൾ നടത്തണം. ആഗസ്​റ്റിൽ മാത്രമേ ഇനി പരിശീലനത്തിനായി ഗ്രൗണ്ടിൽ ഇറങ്ങാൻ കഴിയൂ. തുടർചികിത്സക്കായി ലക്ഷങ്ങൾ​ ഇനിയും വേണം​. 

റെയിൽവേയുെട താരമായ രഞ്ജിത്തിനെ അവരും സഹായിട്ടില്ല. അവധി തീരുന്നതിനാൽ ഇനി വേതനമില്ലാത്ത അവധിയിൽ പ്രവേശിക്കേണ്ട അവസ്ഥയിലുമാണ്​ മൂന്നു ഒളിമ്പിക്​സിൽ പ​െങ്കടുത്തിട്ടുള്ള ഇൗ താരം. 2010 കോമൺവെൽത്തിൽ വെങ്കലം, 2007 ഏഷ്യാഡിൽ സ്വർണം, 2013 ഏഷ്യാഡിൽ വെള്ളി, 2010 ലോകകപ്പിൽ ഏഴാം സ്ഥാനം, ഏഷ്യൻ ഗ്രാൻഡ് പ്രിക്സ്​ മത്സരത്തിൽ സ്വർണം, 2016 ഏഷ്യൻ ഇൻഡോർ ചാമ്പ്യൻഷിപ്പിൽ വെള്ളി എന്നീ നേട്ടങ്ങൾ സ്വന്തമാക്കിയിട്ടുള്ള ദേശീയ ചാമ്പ്യനാണ്​ അധികൃതരുടെ സഹായത്തിനായി കാത്തിരിക്കുന്നത്​.

കഴിഞ്ഞദിവസം മികച്ച ചികിത്സയും മറ്റ് സഹായവും അടിയന്തരമായി ഉറപ്പാക്കണമെന്നാവശ്യ​പ്പെട്ട്​ സി.പി.എം കോട്ടയം ജില്ലസെക്രട്ടറി വി.എൻ. വാസവൻ കായിക മന്ത്രി എ.സി. മൊയ്തീന് നിവേദനം നൽകിയിരുന്നു. വ്യാഴാഴ്​ച തിരുവഞ്ചൂർ രാധാകൃഷ്​ണൻ എം.എൽ.എയും രഞ്​ജിത്തിനെ സന്ദർശിച്ചു. രഞ്ജിത്ത് മഹേശ്വരിക്ക് ഗസറ്റഡ് റാങ്കിൽ സംസ്ഥാന സർക്കാർ ജോലി നൽകണമെന്നും ട്രാക്കിൽ തിരികെ എത്താൻ ചികിത്സ സൗകര്യം ഒരുക്കണമെന്നും അദ്ദേഹം ആവശ്യപ്പെട്ടു. കായികവകുപ്പിന്​ പരിക്കേറ്റവ​രെ സഹായിക്കാൻ പദ്ധതികൾ ഉണ്ടെന്നും വിഷയം സർക്കാറി​​​​െൻറയും സ്​പോർട്​സ്​ കൗൺസിലി​​​​​െൻറയും ശ്രദ്ധയിൽപെടുത്തിയതായും മുൻകായികമന്ത്രി കൂടിയായ തിരുവഞ്ചൂർ പറഞ്ഞു.