കോവിഡിനെ തോൽപ്പിച്ച ന്യൂസിലാൻഡ് കളിക്കളങ്ങൾ കാണികൾക്കായി തുറക്കുന്നു

വെല്ലിങ്​ടൺ: ആഗോള മഹാമാരിയായ കോവിഡിനെ പിടിച്ചുകെട്ടിയതിനു പിന്നാലെ കായിക രംഗത്ത്​ ഉണർവേകിക്കൊണ്ട്​ കളിക്കളങ്ങൾ കാണികൾക്ക്​ തുറന്നുകൊടുക്കാനൊരുങ്ങുകയാണ്​ ന്യൂസിലാൻഡ്. മാർച്ച്​ രണ്ടാമത്തെ ആഴ്ച നിർത്തിവച്ചിരുന്ന സൂപ്പർ റഗ്‌ബി മത്സരങ്ങളോടെയാണ് ന്യൂസിലാൻഡിൽ കൊറോണാനന്തരകാല കായിക സീസൺ ആരംഭിക്കുന്നത്. 

ശനിയാഴ്ച്ച ഹൈലാൻഡേർസ്/ചീഫ് ടീമുകളുടെ ഏറ്റുമുട്ടലോടെയാണ് മത്സരങ്ങൾക്ക്​ തുടക്കമാവുന്നത്​. ഫോർസിത് ബാർ സ്റ്റേഡിയത്തി​​െൻറ ഗ്യാലറിയിലേക്ക്​ യാതൊരുവിധ നിയന്ത്രണവും കൂടാതെതന്നെ കാണികൾ​ക്ക്​ പ്രവേശനം നൽകും. 

ന്യൂസിലൻഡിലെ സൂപ്പർ റഗ്ബി അന്തർദേശീയ മത്സരമാണ്. ആസ്‌ട്രേലിയ, അർജൻറീന, ദക്ഷിണാഫ്രിക്ക, ജപ്പാൻ എന്നീ രാജ്യങ്ങളിലെ ടീമുകൾക്കൊപ്പം ന്യൂസിലാൻഡിൽ നിന്നുള്ള അഞ്ച്​ ടീമുകളും പങ്കെടുക്കാറുണ്ട്​. എന്നാൽ ഇത്തവണ വിദേശ ടീമുകൾ ഉണ്ടായിരിക്കില്ല.