Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightEventschevron_rightദേശീയ വോളിബാൾ:...

ദേശീയ വോളിബാൾ: കണക്ക്​ പരിശോധന വൈകുന്നു; അസിസ്​റ്റൻറ്​ കമീഷണർ രാജിവെച്ചു

text_fields
bookmark_border
volleyball.
cancel

കോഴിക്കോട്​: ഫെബ്രുവരിയിൽ നടന്ന ദേശീയ ​സീനിയർ വോളിബാൾ ചാമ്പ്യൻഷിപ്പിലെ കണക്കുകൾ അവതരിപ്പിക്കുന്നത്​ വൈകുന്നതിൽ പ്രതിഷേധിച്ച്​ കമ്മിറ്റിയിലെ പ്രധാനി രാജിവെച്ചു. കോഴിക്കോട്​ പൊലീസ്​ അസിസ്​റ്റൻറ്​ കമീഷണറും മുൻ വോളി താരവുമായ വി.എം. അബ്​ദുൽ വഹാബാണ്​ രാജിവെച്ചത്​. വോളി ചാമ്പ്യൻഷിപ്പിലെ കണക്കവതരിപ്പിക്കാൻ ജൂലൈ 27ന്​ സ്​പോർട്​സ്​ കൗൺസിൽ ഹാളിൽ നടന്ന യോഗം അല​േങ്കാലമായതിനെ തുടർന്നാണ്​ പുതിയ കമ്മിറ്റി രൂപവത്​കരിച്ചത്​.

കള്ളക്കണക്കും അഴിമതിയുമാ​െണന്ന്​ സബ്​കമ്മിറ്റി കൺവീനർമാരും സംസ്​ഥാന വോളിബാൾ അസോസിയേഷൻ വൈസ്​ പ്രസിഡൻറ്​​ പി. രാജീവനും എതിർപ്പുന്നയിച്ചതോടെയാണ് പുതിയ കമ്മിറ്റിയുണ്ടാക്കിയത്​. എന്നാൽ, മൂന്നു മാസം കഴിഞ്ഞിട്ടും മറ്റ്​ അംഗങ്ങളിൽനിന്ന്​ പ്രതികരണമില്ലാത്തതിനെ തുടർന്നാ​ണ്​ വഹാബി​​​െൻറ രാജി.

സി.പി.എം നേതാവും കൺസ്യൂമർഫെഡ്​ ചെയർമാനും കൂടിയായ എം. മെഹബൂബ്​ കൺവീനറായി​ കമ്മിറ്റി രൂപവത്​കരിച്ചായിരുന്നു ക്രമക്കേടുകളും കണക്കുകളും പരിശോധിക്കാൻ തീരുമാനിച്ചത്​. എന്നാൽ, മെഹബൂബും ഇക്കാര്യത്തിൽ മെല്ലപ്പോക്ക്​ സമീപനത്തിലായിരുന്നെന്ന്​ പരാതി വ്യാപകമാണ്​. മെഹബൂബി​​െൻറ ആവശ്യപ്രകാരമായിരുന്നു വഹാബിനെ കണക്ക്​ പരിശോധിക്കാനുള്ള സമിതിയിൽ ഉൾപ്പെടുത്തിയത്​.

സെപ്​റ്റംബർ​ ​​രണ്ടിന്​ യോഗം ചേർന്നെങ്കിലും കണക്കുകൾ പരിശോധിക്കുന്നതിൽ കാര്യമായ പുരോഗതിയുണ്ടായിരുന്നില്ല. ലക്ഷങ്ങൾ പിരിച്ച ദേശീയ വോളിബാൾ ചാമ്പ്യൻഷിപ്പിൽ അടിമുടി അഴിമതിയാണെന്ന ആരോപണം ശക്​തമായിരുന്നു. മുഖ്യ സംഘാടകനായ നാലകത്ത്​ ബഷീറിനെതിരെ വിരലനക്കാൻ പലരും മടിക്കുകയാണെന്ന്​ ആക്ഷേപമുണ്ട് .

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:volleyballmalayalam newssports newsNational VolleyVM Abdul wahab
News Summary - national voley ball; Assistant commisioner resigned -sports news
Next Story