ദേശീയ മാസ്റ്റേഴ്സ് അത്ലറ്റിക് മീറ്റ് തിരുവനന്തപുരത്ത്

തിരുവനന്തപുരം: 38ാമത് ദേശീയ മാസ്റ്റേഴ്സ് അത്ലറ്റിക് ചാമ്പ്യന്‍ഷിപ് മീറ്റ് ഫെബ്രുവരി 21 മുതല്‍ 25 വരെ തിരുവനന്തപുരത്ത് നടക്കുമെന്ന് മാസ്റ്റേഴ്സ് അത്ലറ്റിക് അസോസിയേഷന്‍ ഓഫ് കേരള പ്രസിഡന്‍റ് കോശി സാമുവല്‍ വാര്‍ത്താസമ്മേളനത്തില്‍ അറിയിച്ചു. ചന്ദ്രശേഖരന്‍നായര്‍ സ്റ്റേഡിയം, യൂനിവേഴ്സിറ്റി സ്റ്റേഡിയം എന്നിവിടങ്ങളിലാണ് മത്സരങ്ങള്‍. 23 ഇനങ്ങളിലായി 29 സംസ്ഥാനങ്ങളില്‍നിന്ന് അയ്യായിരത്തോളം കായികതാരങ്ങള്‍ പങ്കെടുക്കും. രണ്ടാംതവണയാണ് ദേശീയ മാസ്റ്റേഴ്സ് അത്ലറ്റിക് മീറ്റിന് കേരളം വേദിയാകുന്നത്. ജനുവരി 14, 15 തീയതികളില്‍ 36ാമത് സംസ്ഥാന മാസ്റ്റേഴ്സ് അത്ലറ്റിക് ചാമ്പ്യന്‍ഷിപ് പയ്യന്നൂര്‍ കോളജ് സ്റ്റേഡിയത്തില്‍ നടക്കും.