ദേ​ശീ​യ ജൂ​നി​യ​ർ മീറ്റ്​: ആ​ൻ​സി സോ​ജ​ൻ, നി​ർ​മ​ൽ സാ​ബു, ദി​വ്യ മോ​ഹ​ൻ എ​ന്നി​വ​ർ​ക്ക്​ സ്വ​ർ​ണം

റാ​ഞ്ചി: 34ാമ​ത് ദേ​ശീ​യ ജൂ​നി​യ​ർ അ​ത്​​ല​റ്റി​ക് മീ​റ്റി​ൽ കേ​ര​ള​ത്തി​നു സു​വ​ർ​ണ തു​ട​ക്കം. പെ​ൺ​ക​രു​ത്തി​ൽ ആ​ദ്യ​ദി​നം കേ​ര​ളം നേ​ടി​യെ​ടു​ത്ത​ത് മൂ​ന്നു സ്വ​ർ​ണം ഉ​ൾ​പ്പെ​ടെ ആ​റ് മെ​ഡ​ൽ. ലോ​ങ് ജം​പ്​ അ​ണ്ട​ർ 18 പെ​ൺ​കു​ട്ടി​ക​ളി​ൽ ആ​ൻ​സി സോ​ജ​നും അ​ണ്ട​ർ 20 ആ​ൺ​കു​ട്ടി​ക​ളി​ൽ നി​ർ​മ​ൽ സാ​ബു​വും അ​ണ്ട​ർ 20 പോ​ൾ​വാ​ൾ​ട്ടി​ൽ ദി​വ്യ മോ​ഹ​നു​മാ​ണ് സു​വ​ർ​ണ താ​ര​ങ്ങ​ൾ. അ​ണ്ട​ർ 18 പെ​ൺ​കു​ട്ടി​ക​ളു​ടെ പോ​ൾ​വാ​ൾ​ട്ടി​ൽ ബ്ല​സി കു​ഞ്ഞു​മോ​​െൻറ വെ​ള്ളി​യി​ലൂ​ടെ​യാ​ണ്​ കേ​ര​ളം മെ​ഡ​ൽ​വേ​ട്ട തു​ട​ങ്ങി​യ​ത്. ജൂ​നി​യ​ർ പെ​ൺ​കു​ട്ടി​ക​ളു​ടെ ഷോ​ട്ട്പു​ട്ടി​ൽ മേ​ഘ മ​റി​യം മാ​ത്യൂ​വും അ​ണ്ട​ർ 20 പോ​ൾ​വാ​ൾ​ട്ടി​ൽ വി.​എ​സ്. സൗ​മ്യ​യും വെ​ങ്ക​ലം നേ​ടി. 20 ഫൈ​ന​ലു​ക​ൾ ന​ട​ന്ന ആ​ദ്യ​ദി​നം ഹ​രി​യാ​ന​യാ​ണ് മെ​ഡ​ൽ​വേ​ട്ട​യി​ൽ മു​ന്നി​ൽ. ഒ​രു ദേ​ശീ​യ റെ​ക്കോ​ഡും പി​റ​ന്നു. അ​ണ്ട​ർ 16 പെ​ൺ​കു​ട്ടി​ക​ളു​ടെ ഷോ​ട്ട്പു​ട്ടി​ൽ പ​ഞ്ചാ​ബി​െൻറ ജാ​സ്മി​ൻ കൗ​റാ​ണ് പു​തി​യ റെ​ക്കോ​ഡി​നു​ട​മ. വേ​ഗ​ക്കാ​രെ നി​ർ​ണ​യി​ക്കു​ന്ന 100 മീ​റ്റ​ർ ഉ​ൾ​പ്പെ​ടെ ശ​നി​യാ​ഴ്ച 39 ഫൈ​ന​ലു​ക​ൾ ന​ട​ക്കും.

ചാ​ടി​യെ​ടു​ത്ത സ്വ​ർ​ണം
ലോ​ങ് ജം​പി​ൽ ക​ടു​ത്ത മ​ത്സ​ര​ത്തി​നൊ​ടു​വി​ലാ​ണ് ആ​ൻ​സി സോ​ജ​നും നി​ർ​മ​ൽ സാ​ബു​വും സ്വ​ർ​ണ​ത്തി​ലേ​ക്ക് ചാ​ടി​യെ​ത്തി​യ​ത്. പെ​ൺ​കു​ട്ടി​ക​ളി​ൽ ഉ​ത്ത​ർ​പ്ര​ദേ​ശി​െൻറ ദീ​പാ​ൻ​ഷി സി​ങ്ങാ​യി​രു​ന്നു ആ​ദ്യം മി​ക​ച്ച ദൂ​രം ക​ണ്ടെ​ത്തി​യ​ത്. ആ​ദ്യ ചാ​ട്ട​ത്തി​ൽ 5.85 മീ​റ്റ​ർ ചാ​ടി​യ ദീ​പാ​ൻ​ഷി നാ​ലാം ചാ​ട്ട​ത്തി​ൽ 5.91 മീ​റ്റ​ർ ക​ട​ന്നു. 5.50 മീ​റ്റ​റി​ൽ ചാ​ടി​ത്തു​ട​ങ്ങി​യ ആ​ൻ​സി 5.61, 5.82, 5.79 എ​ന്നി​ങ്ങ​നെ മു​ന്നേ​റി അ​ഞ്ചാം ചാ​ട്ട​ത്തി​ലാ​ണ് 5.97 മീ​റ്റ​റി​ലെ​ത്തി ദീ​പാ​ൻ​ഷി​യെ പി​ന്ത​ള്ളി സ്വ​ർ​ണ​മ​ണി​ഞ്ഞു. നാ​ട്ടി​ക ഫി​ഷ​റീ​സ് സ്കൂ​ൾ വി​ദ്യാ​ർ​ഥി​യാ​യ ആ​ൻ​സി പ​രി​ക്കി​നോ​ടു പൊ​രു​തി​യാ​ണ് കേ​ര​ള​ത്തി​െൻറ ആ​ദ്യ സ്വ​ർ​ണം നേ​ടി​യ​ത്. മെ​ഡ​ൽ പ്ര​തീ​ക്ഷി​ച്ചി​രു​ന്ന പി.​എ​സ്. പ്ര​ഭാ​വ​തി 5.88 ചാ​ടി​യെ​ങ്കി​ലും ഫൗ​ളു​ക​ൾ വി​ന​യാ​യി. അ​തേ​ദൂ​രം ചാ​ടി​യ ഒ​ഡി​ഷ​യു​ടെ മ​നീ​ഷ മെ​റെ​ൽ വെ​ങ്ക​ലം ക​ര​സ്ഥ​മാ​ക്കി.

7.32 മീ​റ്റ​ർ ദൂ​രം ക​ണ്ടെ​ത്തി​യ ഹ​രി​യാ​ന​യു​ടെ ഗൗ​ര​വ്, 7.26 മീ​റ്റ​ർ താ​ണ്ടി​യ മ​ധ്യ​പ്ര​ദേ​ശി​െൻറ കൃ​ഷ്ണ ശ​ർ​മ എ​ന്നി​വ​രു​ടെ വെ​ല്ലു​വി​ളിെ​യ അ​തി​ജീ​വി​ച്ചാ​ണ് തി​രു​വ​ന​ന്ത​പു​രം സാ​യി​യു​ടെ നി​ർ​മ​ൽ സ്വ​ർ​ണം നേ​ടി​യ​ത്. പോ​ൾ​വാ​ൾ​ട്ടി​ൽ 3.20 മീ​റ്റ​ർ താ​ണ്ടി​യാ​ണ് കോ​ല​ഞ്ചേ​രി സ​െൻറ് പീ​റ്റേ​ഴ്സ് കോ​ള​ജി​ലെ ദി​വ്യ മോ​ഹ​ൻ സ്വ​ർ​ണം നേ​ടി​യ​ത്. 3.10 ചാ​ടി ക​ർ​ണാ​ട​ക​യു​ടെ ജി. ​സി​ന്ധു​ശ്രീ വെ​ള്ളി​യും 2.90 മീ​റ്റ​ർ മ​റി​ക​ട​ന്ന് സൗ​മ്യ വെ​ങ്ക​ല​വും നേ​ടി.

പോ​ൾ​വാ​ൾ​ട്ടി​ൽ ‘ഡു ​ഓ​ർ ഡൈ’
​പെ​ൺ​കു​ട്ടി​ക​ളു​ടെ അ​ണ്ട​ർ 18 പോ​ൾ​വാ​ൾ​ട്ടി​ൽ അ​യ​ൽ​ക്കാ​ർ ത​മ്മി​ലാ​യി​രു​ന്നു മ​ത്സ​രം. കേ​ര​ള​ത്തി​െൻറ ബ്ല​സി കു​ഞ്ഞു​മോ​ൻ, കെ.​എ. അ​നു​ജ ത​മി​ഴ്നാ​ടി​െൻറ വി. ​പ​വി​ത്ര, ബി. ​ബാ​ല​നി​ഷ എ​ന്നി​വ​രാ​ണ് മ​ത്സ​ര​ത്തി​നു​ണ്ടാ​യി​രു​ന്ന​ത്. 2.80 മീ​റ്റ​ർ ദൂ​ര​ത്തി​ലേ​ക്കു എ​ത്തു​ന്ന​തി​നി​ടെ ബാ​ല​നി​ഷ​യും അ​നു​ജ​യും വീ​ണു. അ​തോ​ടെ ബ്ല​സി​യും പ​വി​ത്ര​യും ത​മ്മി​ലാ​യി പോ​രാ​ട്ടം. 2.90 മീ​റ്റ​ർ മ​റി​ക​ട​ന്നെ​ങ്കി​ലും കൂ​ടു​ത​ൽ ദൂ​ര​ത്തി​ലേ​ക്കു പോ​കാ​ൻ ബ്ല​സി​ക്കു ക​ഴി​ഞ്ഞി​ല്ല. മ​ണീ​ട് ഗ​വ. വി.​എ​ച്ച്.​എ​സ്.​എ​സ് വി​ദ്യാ​ർ​ഥി​യാ​ണ് ബ്ല​സി. അ​തേ​സ​മ​യം, സേ​ല​ത്തെ ‘ഡു ​ഓ​ർ ഡൈ’ ​അ​ക്കാ​ദ​മി​യി​ൽ പ​രി​ശീ​ലി​ക്കു​ന്ന പ​വി​ത്ര കൂ​ടു​ത​ൽ ദൂ​രം ക​ണ്ടെ​ത്താ​നു​ള്ള ശ്ര​മ​ത്തി​ലാ​യി​രു​ന്നു. 3.10 മീ​റ്റ​ർ വി​ജ​യ​ക​ര​മാ​യി താ​ണ്ടി​യ​ശേ​ഷ​മാ​ണ് പ​വി​ത്ര പോ​രാ​ട്ടം അ​വ​സാ​നി​പ്പി​ച്ച​ത്. ഫൗ​ളു​ക​ൾ അ​നു​ജ​ക്കു വി​ന​യാ​യ​തോ​ടെ വെ​ങ്ക​ലം ബാ​ല​നി​ഷ നേ​ടി.

ഷോ​ട്ട്പു​ട്ടി​ൽ റെ​ക്കോ​ഡ് തി​ള​ക്കം
അ​ണ്ട​ർ 16 പെ​ൺ​കു​ട്ടി​ക​ളു​ടെ ഷോ​ട്ട്പു​ട്ടി​ൽ റെ​ക്കോ​ഡ് തി​രു​ത്തി​യെ​ഴു​തി​യാ​ണ് പ​ഞ്ചാ​ബി​െൻറ ജാ​സ്മി​ൻ കൗ​ർ സ്വ​ർ​ണം നേ​ടി​യ​ത്. 2016ൽ ​കോ​യ​മ്പ​ത്തൂ​രി​ൽ പു​ണെ​യു​ടെ പ​രം​ജ്യോ​ത് കൗ​ർ നേ​ടി​യ 14.21 മീ​റ്റ​ർ മ​റി​ക​ട​ന്ന ജാ​സ്മി​ൻ കു​റി​ച്ച​ത് 14.27 മീ​റ്റ​ർ. വെ​ള്ളി നേ​ടി​യ ഹ​രി​യാ​ന​യു​ടെ അ​ഞ്ജ​ലി​യും പ​രം​ജ്യോ​തി​െൻറ റെ​ക്കോ​ഡ് മ​റി​ക​ട​ന്നു. 14.22 മീ​റ്റ​റാ​ണ് അ​ഞ്ജ​ലി​യു​ടെ ദൂ​രം. 13.58 മീ​റ്റ​റു​മാ​യി ത​മി​ഴ്നാ​ടി​െൻറ എം. ​ശ​ർ​മി​ള വെ​ങ്ക​ലം നേ​ടി.

സ​ഹാ​യ​മെ​ത്തി; ടീ​മി​​ന്​ മ​ട​ക്കം എ.​സി കോ​ച്ചി​ൽ
റാ​ഞ്ചി: ദു​രി​തം​താ​ണ്ടി റാ​ഞ്ചി​യി​ലെ​ത്തി​യ കേ​ര​ള താ​ര​ങ്ങ​ളു​ടെ മ​ട​ക്ക​യാ​ത്ര​ക്ക് കാ​യി​ക​പ്രേ​മി​ക​ളു​ടെ സ​ഹാ​യ​ഹ​സ്തം. മാ​ധ്യ​മ​വാ​ർ​ത്ത​ക​ളി​ലൂ​ടെ ദു​രി​തം അ​റി​ഞ്ഞ തൊ​ടു​പു​ഴ ഡി ​പോ​ൾ ഇം​ഗ്ലീ​ഷ് മീ​ഡി​യം ഹൈ​സ്കൂ​ളി​ലെ 1981 ബാ​ച്ച് വി​ദ്യാ​ർ​ഥി​ക​ൾ ടീ​മി​ലെ 39 പെ​ൺ​കു​ട്ടി​ക​ൾ​ക്കും ര​ണ്ട്​ പ​രി​ശീ​ല​ക​ർ​ക്കു​മാ​യി 41 എ.​സി കോ​ച്ച്​ ടി​ക്ക​റ്റ്​ ബു​ക്ക്​​ചെ​യ്​​തു. സെ​ക്ക​ൻ​ഡ്, തേ​ർ​ഡ്​ എ.​സി കോ​ച്ചു​ക​ളി​ലാ​ണ്​ റി​സ​ർ​വേ​ഷ​ൻ. ടി​ക്ക​റ്റി​നാ​വ​ശ്യ​മാ​യ ഒ​ന്നേ​കാ​ൽ ല​ക്ഷം രൂ​പ ഒ​റ്റ​ദി​വ​സം കൊ​ണ്ടാ​ണ് സം​ഘം സ​മാ​ഹ​രി​ച്ച​ത്. അ​ഞ്ചാം തീ​യ​തി മീ​റ്റ് ക​ഴി​ഞ്ഞ​യു​ട​ൻ ടീം ​മ​ട​ങ്ങും. ശേ​ഷി​ക്കു​ന്ന​വ​രു​ടെ ടി​ക്ക​റ്റ്​ അ​സോ​സി​യേ​ഷ​ൻ ശ​രി​യാ​ക്കും. സ​ർ​വ​ക​ലാ​ശാ​ല മീ​റ്റി​ൽ പ​ങ്കെ​ടു​ക്കേ​ണ്ട 30 പേ​ർ സ്വ​ന്തം ചെ​ല​വി​ൽ വി​മാ​ന​ത്തി​ൽ മ​ട​ക്ക​യാ​ത്ര​ക്കു​ള്ള ടി​ക്ക​റ്റ് ബു​ക്ക് ചെ​യ്തി​രു​ന്നു. ഇ​രി​ക്കാ​നും കി​ട​ക്കാ​നും ക​ഴി​യാ​തെ ആ​ല​പ്പു​ഴ ധ​ൻ​ബാ​ദ് എ​ക്സ്പ്ര​സി​ൽ റാ​ഞ്ചി​യി​ലേ​ക്കു​ള്ള കേ​ര​ള​താ​ര​ങ്ങ​ളു​ടെ ദു​രി​ത​യാ​ത്ര​യെ​ക്കു​റി​ച്ച് ‘മാ​ധ്യ​മം’ വാ​ർ​ത്ത ന​ൽ​കി​യി​രു​ന്നു. 23 സീ​റ്റു​ക​ളി​ലാ​യാ​ണ് 130അം​ഗ സം​ഘം റാ​ഞ്ചി​യി​ലേ​ക്ക്​ യാ​ത്ര ചെ​യ്ത​ത്.