ദേശീയ സീനിയർ അത്​ലറ്റിക്​സ്​ ഗുവാഹതിയിൽ

പട്യാല: ഏഷ്യൻ ഗെയിംസിനുള്ള യോഗ്യത ചാമ്പ്യൻഷിപ്പായ ദേശീയ സീനിയർ അത്​ലറ്റിക്​സിന്​ ഗുവാഹതി വേദിയാവും. ജൂൺ 26 മുതൽ 29 വരെയാണ്​ മീറ്റ്​. ​ജൂലൈയിൽ കൊൽക്കത്തയിൽ നടത്താൻ തീരുമാനിച്ച ചാമ്പ്യൻഷിപ്പാണ്​ 2016 സാഫ്​ ഗെയിംസ്​ വേദിയിലേക്ക്​ മാറ്റാൻ തീരുമാനിച്ചത്​.

കോമൺവെൽത്ത്​ ഗെയിംസി​​െൻറ യോഗ്യത മത്സരമായ ഫെഡറേഷൻ കപ്പ്​ വൈകി നടത്തിയത്​ അത്​ലറ്റുകളുടെ എൻട്രി നിരസിക്കാൻ കാരണമായ അനുഭവത്തിലാണ്​ ഏഷ്യൻ ഗെയിംസി​​െൻറ യോഗ്യത ചാമ്പ്യൻഷിപ്​ നേരത്തെ നടത്തുന്നത്​. ജൂൺ 30 ആണ്​ ഏഷ്യൻ ഗെയിംസിനുള്ള എൻട്രി സമർപ്പിക്കേണ്ട അവസാന തീയതി. ജകാർത്ത വേദിയാവുന്ന വൻകരയുടെ പോരാട്ടത്തിന്​ ആഗസ്​റ്റ്​ 18ന്​ കൊടിയുയരും.