Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightEventschevron_rightആശ്വാസ റിലേ

ആശ്വാസ റിലേ

text_fields
bookmark_border
atheletics
cancel

സം​ഗ്രൂ​ർ (പ​ഞ്ചാ​ബ്): നാ​ലു​ദി​വ​സ​ത്തെ കാ​ത്തി​രി​പ്പി​നൊ​ടു​വി​ൽ കേ​ര​ള​ത്തെ തേ​ടി സ്വ​ർ​ണ​മെ​ത്തി. ദേ​ശീ​യ സ്കൂ​ൾ കാ​യി​ക​മേ​ള​യി​ൽ ജൂ​നി​യ​ർ ആ​ൺ​കു​ട്ടി​ക​ളു​ടെ 4 x 100 റി​ലേ​യി​ലാ​ണ് കേ​ര​ള​താ​ര​ങ്ങ​ൾ സ്വ​ർ​ണ​ത്തി​ലേ​ക്ക് ബാ​റ്റ​ൺ കൈ​മാ​റി​യ​ത്. സ​ബ് ജൂ​നി​യ​ർ, ജൂ​നി​യ​ർ വി​ഭാ​ഗം മ​ത്സ​ര​ങ്ങ​ൾ ഞാ​യ​റാ​ഴ്ച അ​വ​സാ​നി​ക്കാ​നി​രി​ക്കെ ഒ​രു സ്വ​ർ​ണ​വും നാ​ലു വെ​ള്ളി​യും മൂ​ന്നു വെ​ങ്ക​ല​വു​മാ​യി 65.5 പോ​യ​ൻ​റ്​ നേ​ടി​യ കേ​ര​ളം നാ​ലാം സ്ഥാ​ന​ത്തേ​ക്കു​യ​ർ​ന്നു. 95 പോ​യ​ൻ​റു​ള്ള ഹ​രി​യാ​ന​യാ​ണ് മു​ന്നി​ൽ. 88 പോ​യ​ൻ​റു​മാ​യി ഉ​ത്ത​ർ​പ്ര​ദേ​ശ് ര​ണ്ടാ​മ​തും 70.5 പോ​യ​ൻ​റു​മാ​യി മ​ഹാ​രാ​ഷ്​​ട്ര മൂ​ന്നാം സ്ഥാ​ന​ത്തു​മാ​ണ്. 19 ഫൈ​ന​ലു​ക​ൾ അ​ര​ങ്ങേ​റു​ന്ന അ​വ​സാ​ന ദി​നം വ​മ്പ​ൻ മെ​ഡ​ൽ​ക്കൊ​യ്ത്ത് ന​ട​ത്തി​യി​ല്ലെ​ങ്കി​ൽ പ​തി​റ്റാ​ണ്ടു​ക​ളാ​യി കു​ത്ത​ക​യാ​ക്കി​വെ​ച്ച ജൂ​നി​യ​ർ വി​ഭാ​ഗം കി​രീ​ടം മ​ല​യാ​ളി​പ്പ​ട​യു​ടെ കൈ​യി​ൽ​നി​ന്ന് പോ​കും.
ശ​നി​യാ​ഴ്ച ജൂ​നി​യ​ർ പെ​ൺ​കു​ട്ടി​ക​ളു​ടെ റി​ലേ ടീം ​വെ​ള്ളി നേ​ടി. ജൂ​നി​യ​ർ ആ​ൺ പോ​ൾ​വാ​ൾ​ട്ടി​ൽ എം. ​അ​ക്ഷ​യും ജൂ​നി​യ​ർ പെ​ൺ ഹാ​മ​ർ​ത്രോ​യി​ൽ ബ്ലെ​സി ദേ​വ​സ്യ​യും വെ​ള്ളി മെ​ഡ​ലി​ന് അ​ർ​ഹ​രാ​യി. ജൂ​നി​യ​ർ പെ​ൺ 3000 മീ​റ്റ​റി​ൽ കെ.​പി. സ​നി​ക​യും സ​ബ് ജൂ​നി​യ​ർ ആ​ൺ 80 മീ​റ്റ​ർ ഹ​ർ​ഡ്ൽ​സി​ൽ വാ​ങ്മ​യൂം മു​കു​റ​മും വെ​ങ്ക​ലം നേ​ടി. നാ​ലാം ദി​നം അ​ഞ്ചു റെ​ക്കോ​ഡു​ക​ൾ പി​റ​വി​യെ​ടു​ത്തു. മീ​റ്റി​ലെ ആ​കെ റെ​ക്കോ​ഡു​ക​ൾ 12 ആ​യി.
സ്വ​ർ​ണ കൈ​മാ​റ്റം

സ്വ​ർ​ണം കാ​ത്തി​രു​ന്ന് മ​ടു​ത്ത കേ​ര​ള ക്യാ​മ്പി​ന് ആ​ശ്വാ​സ​മേ​കു​ന്ന​താ​യി​രു​ന്നു വാ​ർ ഹീ​റോ​സ് സ്‌​റ്റേ​ഡി​യ​ത്തി​ൽ ജൂ​നി​യ​ർ ആ​ൺ​കു​ട്ടി​ക​ളു​ടെ 4x100 മീ​റ്റ​ർ റി​ലേ​യി​ലെ പ്ര​ക​ട​നം. സെ​മി​യി​ൽ ഒ​ന്നാ​മ​താ​യ ടീം ​ഫൈ​ന​ലി​ലും മി​ക​വ് ആ​വ​ർ​ത്തി​ച്ചു. 42.88 സെ​ക്ക​ൻ​ഡി​ലാ​ണ് കേ​ര​ളം ഫി​നി​ഷ് ചെ​യ്ത​ത്. ആ​ദ്യ ലാ​പ്പി​ൽ ഇ​രി​ങ്ങാ​ല​ക്കു​ട നാ​ഷ​ന​ൽ എ​ച്ച്.​എ​സ്.​എ​സി​ലെ വാ​രി​ഷ് ബോ​ഗി മ​യൂം തു​ട​ക്ക​മി​ട്ട കു​തി​പ്പ് ആ​ങ്ക​റാ​യ താ​നൂ​ർ ദേ​വ​ദാ​ർ ജി.​എ​ച്ച്.​എ​സ്.​എ​സി​ലെ മു​ഹ​മ്മ​ദ് ഹ​നാ​​െൻറ അ​തി​ഗം​ഭീ​ര​മാ​യ സു​വ​ർ​ണ ഫി​നി​ഷി​ങ്ങി​ലാ​ണ് അ​വ​സാ​നി​ച്ച​ത്. ര​ണ്ടാം ലാ​പ്പു​കാ​ര​നാ​യ കൊ​ല്ലം സാ​യി​യു​ടെ സ്​​റ്റാ​ലി​ൻ ജോ​സ​ഫും മൂ​ന്നാ​മ​നാ​യി ബാ​റ്റ​ണേ​ന്തി​യ മ​ല​പ്പു​റം ക​ട​ക​ശ്ശേ​രി ഐ​ഡി​യ​ൽ സ്കൂ​ളി​ലെ മു​ഹ​മ്മ​ദ് ഷാ​നും ത​ങ്ങ​ളു​ടെ റോ​ൾ മ​നോ​ഹ​ര​മാ​ക്കി. മു​ഹ​മ്മ​ദ് ഹ​നാ​ന്​ 100 മീ​റ്റ​ർ ഹ​ർ​ഡ്ൽ​സി​​െൻറ ഹീ​റ്റ്സ് വി​ജ​യ​ക​ര​മാ​യി പൂ​ർ​ത്തി​യാ​ക്കി 10 മി​നി​റ്റി​ന​ക​മാ​ണ് റി​ലേ​യി​ൽ അ​വ​സാ​ന ലാ​പ്പു​കാ​ര​നാ​യി ഓ​ടേ​ണ്ടി​വ​ന്ന​ത്.
പെ​ൺ​കു​ട്ടി​ക​ളു​ടെ 4x100 മീ​റ്റ​ർ റി​ലേ​യി​ൽ കേ​ര​ള ടീം ​ക്യാ​പ്റ്റ​ൻ അ​ലീ​ന വ​ർ​ഗീ​സ് (ഭ​ര​ണ​ങ്ങാ​നം സ​െൻറ്​ മേ​രീ​സ് സ്കൂ​ൾ), കെ.​കെ. വി​ദ്യ (വാ​ണി​യം​കു​ളം ടി.​ആ​ർ.​കെ.​എ​ച്ച്.​എ​സ്), ഫി​സ റ​ഫീ​ഖ് (സ​െൻറ്​ തെ​രേ​സാ​സ് കോ​ൺ​വ​ൻ​റ്​ എ​ച്ച്.​എ​സ്.​എ​സ്), സാ​ന്ദ്ര മോ​ൾ ജോ​സ​ഫ് (പൂ​ഞ്ഞാ​ർ എ​സ്.​എം.​വി.​എ​ച്ച്.​എ​സ്) എ​ന്നി​വ​ര​ട​ങ്ങി​യ ടീ​മാ​ണ് കേ​ര​ള​ത്തി​ന് വെ​ള്ളി നേ​ടി​ക്കൊ​ടു​ത്ത​ത്.
സ്വ​ർ​ണ​ന​ഷ്​​ടം

ശ​നി​യാ​ഴ്‌​ച ര​ണ്ടി​ന​ങ്ങ​ളി​ലാ​ണ് കേ​ര​ള​ത്തി​ന് നി​ർ​ഭാ​ഗ്യം കാ​ര​ണം സ്വ​ർ​ണം വ​ഴു​തി​മാ​റി​യ​ത്. ജൂ​നി​യ​ർ ആ​ൺ​കു​ട്ടി​ക​ളു​ടെ പോ​ൾ​വാ​ൾ​ട്ടി​ൽ എം. ​അ​ക്ഷ​യും ജൂ​നി​യ​ർ പെ​ൺ​കു​ട്ടി​ക​ളു​ടെ ഹാ​മ​ർ​ത്രോ​യി​ൽ ബ്ല​സി ദേ​വ​സ്യ​യും നേ​രി​യ വ്യ​ത്യാ​സ​ത്തി​ൽ പൊ​ൻ​പ​ത​ക്കം കൈ​വി​ട്ടു. കോ​ത​മം​ഗ​ലം മാ​ർ ബേ​സി​ൽ സ്കൂ​ളി​ലെ പ്ല​സ് വ​ൺ വി​ദ്യാ​ർ​ഥി​യാ​യ എം. ​അ​ക്ഷ​യും മ​ധ്യ​പ്ര​ദേ​ശി​​െൻറ സ​ന്ദീ​പ് കു​മാ​റും 4.10 മീ​റ്റ​റാ​ണ് താ​ണ്ടി​യ​ത്. എ​ന്നാ​ൽ, നേ​ര​ത്തേ​യു​ള്ള അ​വ​സ​ര​ങ്ങ​ളി​ൽ കൂ​ടു​ത​ൽ ഫൗ​ളു​ക​ൾ വ​രു​ത്തി​യ​ത് അ​ക്ഷ​യ്ക്ക് വി​ന​യാ​യി.

അ​വ​സാ​നം ന​ട​ന്ന ഹാ​മ​ർ​ത്രോ​യി​ൽ 50.49 മീ​റ്റ​ർ എ​റി​ഞ്ഞാ​ണ് എ​റ​ണാ​കു​ളം മാ​തി​ര​പ്പി​ള്ളി ജി.​വി.​എ​ച്ച്.​എ​സ്.​എ​സി​ലെ വി​ദ്യാ​ർ​ഥി​നി​യാ​യ ബ്ലെ​സി വെ​ള്ളി നേ​ടി​യ​ത്. വെ​റും ഒ​മ്പ​തു സ​െൻറി​മീ​റ്റ​ർ വ്യ​ത്യാ​സ​ത്തി​ലാ​ണ് ഡ​ൽ​ഹി​യു​ടെ ഐ​ശ്വ​ര്യ സി​ങ് സ്വ​ർ​ണം നേ​ടി​യ​ത്. ക​ണ്ണൂ​ർ പ​യ്യാ​വൂ​ർ പൈ​സ​ക്ക​രി സ്വ​ദേ​ശി​യാ​യ ബ്ലെ​സി സം​സ്ഥാ​ന മേ​ള​യി​ൽ 52.38 മീ​റ്റ​ർ ദൂ​ര​ം കുറിച്ചി​രു​ന്നു.ജൂ​നി​യ​ർ പെ​ൺ​കു​ട്ടി​ക​ളു​ടെ 3000 മീ​റ്റ​റി​ൽ കോ​ഴി​ക്കോ​ട് ക​ട്ടി​പ്പാ​റ ഹോ​ളി ഫാ​മി​ലി എ​ച്ച്.​എ​സ്.​എ​സി​ലെ കെ.​പി. സ​നി​ക 10 മി​നി​റ്റ് 14.93 സെ​ക്ക​ൻ​ഡി​ലാ​ണ് വെ​ങ്ക​ലം നേ​ടി​യ​ത്. 11. 17 സെ​ക്ക​ൻ​ഡി​ലാ​യി​രു​ന്നു ഇ​രി​ങ്ങാ​ല​ക്കു​ട നാ​ഷ​ന​ൽ എ​ച്ച്.​എ​സ്.​എ​സി​ലെ താ​ര​മാ​യ വാ​ങ്​​മ​യൂം 80 മീ​റ്റ​ർ ഹ​ർ​ഡ്ൽ​സി​ൽ മൂ​ന്നാ​മ​നാ​യ​ത്.
ഗുണ്ടൂരിൽ നടന്ന ദേശീയ ജൂനിയർ മീറ്റിൽ പ്രായത്തട്ടിപ്പിൽ കുടുങ്ങിയ ഹരിയാന താരങ്ങൾ സം​ഗ്രൂരിൽ ട്രാക്കിലിറങ്ങിയതായി സൂചനയുണ്ട്. ഇക്കാര്യത്തിൽ കേരള ടീം പരാതി നൽകും.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Hariyanamalayalam newssports newsNational atheletics meet
News Summary - National atheletics meet-Sports news
Next Story