ഖേലോ ഇന്ത്യ അത്​ലറ്റിക്​സ്​: കേരളത്തിന്​ നാലു​ സ്വർണം കൂടി

പുണെ: ഖേലോ ഇന്ത്യ യൂത്ത്​ ഗെയിംസ്​ അത്​ലറ്റിക്​സി​​​െൻറ അവസാന ദിനം കേരളത്തിന്​ നാലു​ സ്വർണം കൂടി. റിലേയിൽ മൂ ന്നും അണ്ടർ 17 പെ​ൺകുട്ടികളുടെ ​ട്രിപ്​​ൾ ജംപിൽ അനു മാത്യുവുമാണ്​ സ്വർണമണിഞ്ഞത്​. 12.09 മീറ്റർ ചാടിയാണ്​ അനുവി​​​ െൻറ സ്വർണനേട്ടം. അണ്ടർ 21 ആൺകുട്ടികളുടെ 4x400 മീ. റിലേയിൽ അഭിനന്ദ്​, എസ്​. ശരത്​, സബിൻ ടി. സത്യൻ, ടിജിൻ എന്നിവരടങ്ങിയ ടീം സ്വർണം നേടി.

അണ്ടർ 17 ആൺകുട്ടികളുടെ 4x400 റിലേയിൽ ആർ. സജൻ, സൽമാൻ ഫാറൂഖ്​, അജയ്​ കെ. വിശ്വനാഥ്​, അബ്​ദുൽ റസാഖ്​ ടീമും, അണ്ടർ 17 പെൺകുട്ടികളിൽ എൽഗ തോമസ്​, പ്രിസ്​കില, ഗൗരി നന്ദ, എ.എസ്. സാന്ദ്ര ​ എന്നിവരും സ്വർണം നേടി.

പെൺ. 800 മീറ്ററിൽ പ്രിസ്​കിലയും 400 മീ. ഹർഡ്​ൽസിൽ വിഷ്​ണു പ്രിയയും വെള്ളി നേടി. സി. അഭിനവ്​ (200 മീ), ആൻസി സോജൻ (200 മീ), കെ.എം. നിബ (400 മീ. ഹർഡ്​ൽസ്​), ടിജിൻ (400 മീ. ഹർഡ്​ൽസ്​) എന്നിവർക്കാണ്​ വെങ്കലം. അത്​ലറ്റിക്​സിൽ 10 സ്വർണവും ഒമ്പതു​ വെള്ളിയും 13 വെങ്കലവും കേരളം സ്വന്തമാക്കി.